Нұрбесік тұрғындарына әкімшілік неге қырын қарап отыр?

Нұрбесік тұрғындарына әкімшілік неге қырын қарап отыр?

Газеттің ATAJURT жобасы аясында 2020 жылғы 20 ақпандағы №7 са­нын­да «Нұрбесіктегі қандастар 12 жыл тұрған үйлерін заңдастыра алмай жүр» деген тақырыпта материал жа­рияланған болатын. Онда өздері сал­ған үйлерін заңдастыра алмай отыр­ған қандастардың мәселесін кө­терген едік. Елбасы Н.Назарбаевтың көші-қон сая­сатын дамыту және қандастарды бас­па­налы ету мақсатында Нұр-Сұлтан қа­ласының іргесінен Нұрбесік ауылы бой көтерген. Мұнда атажұртқа көшіп келген ға­лым­дар, мұғалімдер, журналистер және бас­қа да жас маман иелері қоныстанған. Үйлердің барлығы әкімшілік бекіткен тәртіпке сай жүзеге асқан. Үйлердің ар­хитектуралық ауытқуы жоқ. Барлығы заң талаптарына сәйкес салынған. Тұрғындар бұл үйлерді «Асар» республикалық қоғам­дық бірлестігі және әкімшіліктің үйді салып болғанша жерді жалға алу туралы жа­сасқан арнайы шарты негізінде салған. Қа­зір үйлер салынып болды, енді тұр­ғын­дар өз күшімен салып алған үйлерін өз аттарына заңды негізде құжаттандырып алғысы келеді. Ал мемлекетке иек артпай өз күшімен үй салып, елордамыздың дамуына үлес­терін қосқан қандастар жер телімдерін заңдастыра алмай отыр.  Жерді заңдас­тыру үшін «Асар» республикалық қоғам­дық бірлестігі және Нұрбесік тұрғындары Сарыарқа аудандық сотына шағымданған. Арызданушы тараптың құқығын қор­ғаушы заңгердің айтуына қарағанда, тұр­ғындар мен бірлестіктің бұл шағым­дануы заң аясында жүзеге асқан. Алайда аудандық сот бұл арыз-талапқа негізсіз де­ген шешім шығарған. Бұдан кейін қа­лалық сотқа шағымданғанда қалалық сот тұр­ғындардың және «Асар» респуб­ли­калық қоғамдық бірлестігі басшыла­ры­ның қатысуынсыз шешім шығарған. Бұған тұрғындар наразы. Біз Нұр-Сұлтан қаласының әкімі Алтай Көлгінов мырзаның атына хат жазып, бұл мәселені шешіп беруге ықпал етуін жә­не қандай шара қолдануға болатыны жай­лы сұраған едік. Хатымызға Нұр-Сұл­тан қаласының «Сәулет, қала құрылысы жә­не жер қатынастары басқарма» басшысы Н.Ұранхаевтың атынан жауап хат кел­ді. Өкінішке қарай, хатта тек заңға сіл­теме жасалған қасаң сөйлемдер ғана. Хат­тың толық мәтінін түсіну өте күрделі. Бір түсінгеніміз қандастар заңды түрде са­лып алған үйлерінің жерін тек қана жал­ға алады екен. Бұдан 12 жыл бұрын са­лына бастаған ауыл тұрғындары осы уа­қытқа дейін мемлекетке 40 миллион тең­ге жалға алу құнын төлеген. Ал енді та­ғы да жерді жалға алу құнын төлей бас­таған ары қарай олардың тұрмысына қалай әсер ететінін есептеп көріңіз. Сон­дай-ақ хатта «Нұрбесік тұрғын үй кеше­ніндегі және бірлестіктің бұл арыз-талабы азаматтық-құқықтық мәселе, оған жер­гілікті атқарушы органдар араласа ал­майды» деп атап өткен.

Бақытбек ҚАДЫР