Jañalıqtar

Bwdan bılay dissertaciya qorğauşılardan 7 maqala jariyalau talap etilmeydi

Dissertaciyanı qorğau barısında jasaluı tiis ğılımi jariyalanımdarğa qoyılatın talaptar özgeredi. Bwl turalı QR Bilim jäne ğılım ministri Ashat Aymağambetov Facebook paraqşasında mälimdedi. 

«Bwğan deyin doktorant qorğau kezeñine deyin jetu üşin 7 maqala jariyalauı tiis bolatın. Bwl körsetkişke qol jetkizu üşin doktoranttar sapası kümän tudıratın jurnaldarda jariyalanımdar jasauğa mäjbür boldı. Bizdiñ ğalımdardıñ maqalaları halıqaralıq bazalardan alınıp tastalğan, tükke twrmaytın jurnaldarda jariyalanğan kezder de boldı. Osığan baylanıstı biz bwl täjiribeni özgertu jöninde şeşim qabıldadıq»,- dep jazdı vedomstvo basşısı.

Ministrdiñ aytuınşa, endi sapası tömen jurnaldarda 7 maqalanıñ ornına, joğarı kvartil'ge kiretin basılımdarda maqalalar jariyalansa jetkilikti. Al birinşi kvartil' qwramına kiretin jurnaldarda bir ğılımi maqala şıqqan bolsa, özge jariyalanımdar talap etilmeydi.

«Bwl şara sapasız jariyalanımdardıñ sanın azaytıp, jüktemeni jeñildetedi jäne ğalımdardı däyeksözderi taralu boyınşa joğarı deñgeydegi originaldı ğılımi maqalalar jazuğa ıntalandıradı», – deydi A.Aymağambetov.

Eske sala ketsek, bwğan deyin Ashat Aymağambetov pandemiyağa baylanıstı engizilgen karantindik şekteulerge qaramastan JOO bitiruşi tülekter mindetti türde diplom qorğaytının mälimdegen.

 

Back to top button