Jañalıqtar

Aqtöbede balabaqşa jwmısı keyinge şegerildi

Aqtöbede koronavirus infekciyasın jwqtırğandar sanı köbeyip, balabaqşa jwmısı keyinge şegerildi.

QazAqparattıñ jazuınşa, Aqtöbe oblısınıñ bas sanitar därigeri «Aqtöbe oblısındağı koronavirus infekciyası boyınşa äri qaray jürgiziletin şekteu şaraları jäne Aqtöbe qalasındağı karantin rejimi turalı» jaña qaulı şığardı.

Qwjatta blokpostardağı sanitarlıq-karantindik baqılau jwmısın küşeytu tapsırıldı. Basqa öñirlerden keletin adamdardı, onıñ işinde Aqtöbe qalasınıñ jäne Aqtöbe oblısınıñ twrğındarın PTR ädisimen testileu arqılı ötkizu üşin 2 täulik karantindik stacionarda oqşaulau qajet. Keyin 14 kün üy karantininde baqılaudı jalğastıradı.

Al vahtalıq ädispen jwmıs isteytin adamdar auısım sayın PTR tapsıruı tiis. Äri barlığı Aqtöbe oblısınıñ tauarlar men qızmetterdiñ sapası men qauipsizdigin baqılau departamentiniñ baqılauında boladı.

«Oyın-sauıq, sporttıq jäne basqa da bwqaralıq is-şaralardı wyımdastıruğa, sonday-aq qonaq şaqırıp, sadaqa jasauğa, dini nısandarğa baruğa tıyım salınadı. Qalada virus jwqtırğandar sanı 7% östi. Sondıqtan qala äkimdigi azıq-tülik, mal, avtomobil', kiim-keşek, qwrılıs bazarların, audanı 2 mıñ şarşı metr bolatın azıq-tülik emes dükenderdi, sport ob'ektilerin, sauda-oyın-sauıq ortalıqtarı, kinoteatrlar, teatrlar, körmeler jäne adamdar köp jinalatın basqa da ob'ektilerdi, mektepke deyingi wyımdardağı kezekşi toptardı, vokzaldardı aşu, auıl şaruaşılığı järmeñkesin ötkizudi keyinge şegerui tiis. Jazğı sauıqtıru lagerleri, fitnes klubtar, jattığu zaldarı, sport keşenderi, basseyn, akvapark, bil'yard, bouling ortalıqtarı, komp'yuterlik internet-klubtar, oyın zaldarı, bukmekerlik keñseler, loto aşılmaydı. Adamdar da asa qajet bolmasa üyden şıqpağan jön. Köpşilik orında maska kiyu mindetteledi», – dep habarladı Aqtöbe oblısınıñ tauarlar men qızmetterdiñ sapası men qauipsizdigin baqılau departamentiniñ baspasöz qızmeti.

Back to top button