جاڭالىقتار

تۇركىستان وبلىسىنداعى سەل: تولەبي اۋدانىنا 27 ءۇي قۇلاعالى تۇر

تۇركىستان وبلىسىنىڭ تولەبي اۋدانىنداعى سەل جۇرۋىنە بايلانىستى جەرگىلىكتى دەڭگەيدەگى توتەنشە جاعداي جاريالانىپ، ارنايى شتاب قۇرىلدى. بۇل تۋرالى اپات بولعان ايماققا بارعان وبلىس اكىمى ومىرزاق شوكەەۆ مالىمدەدى. 

مامانداردىڭ ايتۋىنشا، تاۋلى اۋدانداعى ارىق-اتىزدار مەن قىر-سايلاردان جينالىپ اققان جاڭبىر سۋى ەلدى مەكەندەرگە جايىلعان. سالدارىنان 6 ەلدى مەكەندەگى 260 تۇرعىن ءۇيدىڭ اۋلاسىنا سۋ كىرىپ، ونداعى تۇرعىندار مەكتەپتەردە اشىلعان ەۆاكۋاتسيالىق ورتالىقتارعا كوشىرىلگەن. اۋداندا 27 ۇيگە قۇلاۋ قاۋپى ءتونىپ تۇر.

اپات سالدارىن كوزبەن كورۋ ءۇشىن ارنايى كەلگەن ايماق  باسشىسى جاعداي رەتتەلەتىنىن ايتىپ، تۇرعىنداردى سابىرعا شاقىردى.

«تولەبي اۋدانىندا اينالاسى 40 مينۋتتىڭ ىشىندە 1 ايلىق جاڭبىر جاۋعان. بۇل سوڭعى جىلدارى العاش رەت ورىن العان تابيعي قۇبىلىس. قاۋىپسىز اۋماققا كوشىرىلگەندەرىڭىز دۇرىس بولدى. ۇيلەردى پوليتسيا قىزمەتكەرلەرى كۇزەتەدى. ول جاعىن ۋايىمداماڭىزدار. سامان ءۇي قۇلاسا، وزدەرىڭىز ءۇشىن قاۋىپتى. بارلىق اۋداندار وسىندا كومەككە كەلىپ جاتىر»،- دەدى ومىرزاق شوكەەۆ.

2005141347190355g

ءۇي-جايلارىن قىزىل سۋ باسقان تولەبيلىكتەرگە كورشىلەس قازىعۇرت، سايرام جانە ورداباسى اۋداندارىنان كومەك كەلىپ جەتتى. قاۋىپسىز جەرگە كوشىرىلگەن تۇرعىندار كەرەكتى زاتتارمەن، اس-سۋمەن قامتىلدى.

 

Back to top button