Ақша айырбастау пунктінен 12 млн теңге ұрлаған елордалық ұсталды (видео)

Ақша айырбастау пунктінен 12 млн теңге ұрлаған елордалық ұсталды (видео)

Ақша айырбастау пунктінен 12 млн теңге ұрлаған елордалық ұсталды (видео)
ашық дереккөзі
 Нұр-Сұлтан қалалық Полиция департаментінің криминалдық полиция қызметкерлері валюта айырбастау пунктіне ұрлыққа түскен елорда тұрғынын ұстады. 12 млн теңгені қолды қылған азаматтың бұған дейін сотты болғаны анықталды.  Полициейлердің мәліметіне қарағанда, ол ұрлыққа тыңғылықты дайындықпен барған. Діттеген ойын жүзеге асыру үшін өз көлігінің мемлекеттік тіркеу нөмірін бұған дейін ұрлап алған басқа нөмірмен ауыстырған. Содан кейін бет-жүзін тұмшалап, дүкен мен айырбастау пункті орналасқан ғимаратқа көше жақ бетіндегі есігінің құлпын бұзу арқылы кірген. Қозғалыс датчиктерін істен шығару үшін олар орналасқан жерге дейін еңбектеп жеткен. Бейнебақылау камерасының объективін жауып қойғаннан кейін ол айырбастау пунктіне еш кедергісіз кірген. «Сейфті бұзып, ішінен жалпы сомасы 12 млн теңге болатын әртүрлі валюталарды ұрлап кеткен. Дегенмен, сақтықтың барлық шараларын қолданғанымен, ойы жүзеге аспады. Із кесушілердің тынымсыз жұмыстарының нәтижесінде қаскөй ізі суымай қолға түсті. Ол ұрланған қаражаттың жартысын жұмсап үлгерген екен. Ұсталған азамат тұтқындалып, Нұр-Сұлтан қалалық ПД уақытша оқшаулағышына қамалды. ҚР ҚК 188-бабы бойынша сотқа дейінгі тергеу жүргізіліп жатыр. Елорда аумағында жасалған дәл осындай қылмыстарға қатысы тексерілуде», - дейді ведомстводан. https://www.youtube.com/watch?time_continue=15&v=FGRcUJ9NKxE&feature=emb_logo