Борис Джонсон коронавирус жұқтырды
Борис Джонсон коронавирус жұқтырды
Ұлыбритания премьер-министрі Борис Джонсон коронавирус жұқтырып алды. Бұл туралы ол әлеуметтік желіде хабарлады.
«Кейінгі тәулікте коронавирустың кейбір белгілерін байқай бастадым, індет жұқтырғанымды анализдерім растады», – деп жазды ол Twitter-дегі парақшасында.
Қазіргі уақытта премьер оқшауланып, үйінде жұмыс істеп жатыр.
«Үкіметті видеоконференция арқылы басқара беретін боламын және бұл вируспен күресті әрі қарай жалғастыра береміз», – дейді Джонсон.