Алматыда көлік жуу және көлік жөндеу орталықтарының жұмысы тоқтатылады
Алматыда көлік жуу және көлік жөндеу орталықтарының жұмысы тоқтатылады
Алматыда төтенше жағдай режимі аясында сақтық шараларын күшейту мақсатында көлік жуу және көлік жөндеу, сондай-ақ фотосалондар мен сән салондары, жылжымайтын мүлік пен химиялық тазалау орталықтары, ломбардтар толықтай жабылады.
Бұл туралы Алматы қаласы әкімінің орынбасары Сапарбек Тұяқбаев мәлімдеді.
Бұл шектеу жедел штабтың шешімімен жүзеге асып отыр. Мақсат – мүмкіндігінше адамдар арасындағы қарым-қатынасты азайту. «Өйткені соңғы кезде вирус жұқтырғандардың науқаспен байланыста болғаны анықталып отыр», – дейді қала әкімінің орынбасары.