Jañalıqtar

Dezinfekciyalau jwmıstarına sarbazdar da tartıldı

Karantinge jabılğan Almatı qalasında üzdiksiz dezinfekciyalau jwmıstarı jürgizilude. Qalanıñ tazartu jwmıstarına Almatı garnizonınıñ küşteri tartıldı.

Olar birinşi kezekte jalpı kölemi 60 gektar bolatın qalanıñ jeti iri bazarların dezinfekciyaladı. Bwl jwmısqa 317 sarbaz jwmıldırıldı. Oğan qosa 11 birlik arnayı tehnika men öñdeu jwmısına kiiletin 151 kiim jiıntığı berildi. 49 tonna arnayı su eritindisi jwmsaldı.

Garnizon qızmetkerleri karantindik baqılauda twrğan 13 medicinalıq wyımğa sanitarlıq öñdeu jürgizbek. Bwl jwmısqa 320 äskeri qızmetşi jwmıldırıladı.

Ayta keteyik, qalalıq Twrğın üy sayasatı basqarması künine eki uaqıt megapolistegi joldardı juudı wyımdastıruda. Bwl jwmıstarğa suarıp juatın 90 kölik, trotuar jinaytın 54 maşina men 962 jol jwmısşıları jwmıldırıldı. Sonday-aq qosımşa 112 adam qoqıs jäşikterin, orındıqtar men ayaldamalardı dezinfekciyalaumen aynalısuda.

Sonımen qatar, bügin sağat 9.00-den bastap 32 brigada köppäterli twrğın üylerdiñ kireberisterin zalalsızdandırudı bastağanın jazğan bolatınbız. 8633 kireberis (2868 üy) pen 1441 aulanı öñdeu josparlanuda.

Back to top button