24 Наурыз, 17:11 667 0 Жаңалықтар Асыл ТҰМАР

Төтенше жағдай: Алматы облысында көкпар тартқандар ұсталды

Сурет ғаламтордан алынды
Сурет ғаламтордан алынды

Алматы облыстық полиция департаментінің баспасөз қызметі осы өңірде төтенше жағдайға қарамастан тұрғындар көкпар ұйымдастырғанын хабарлады.

ҚазАқпараттың ақпаратынша, бұл видео әлеуметтік желіні бақылау кезінде анықталған. Көкпаршылар Шамалған ауылының Жібек жолы көшесінде кешкі 17:00 шамасында көкпар тартқан.

«Қазір бұл ойынды ұйымдастырған адам ұсталды. Ол 27 жастағы осы ауылдың тұрғыны болып шықты. Бұл кісі төтенше жағдайдың қаншалықты маңызды ахуал екендігін дұрыс түсінбеген сияқты. Ол көкпарды Наурыз мерекесіне орай ұйымдастырған. Сонымен қатар, тұрғындар заңға қайшы, яғни қара жолдың бойында додаға түскен», – деді Қарасай аудандық полиция басқармасының басшысы Асхат Данияр.

Бұл дерек бойынша ҚР ӘқбК 476-бабы бойынша әкімшілік іс қозғалып, Қарасау аудандық әкімшілік сотына жолданды. Құқық бұзушының әрекетіне сот баға беретін болды.

Соңғы жаңалықтар