Jañalıqtar

Prezident tapsırması: Halıqtıñ nesie jäne salıq tölemi keyinge şegeriledi

Prezident Qasım-Jomart Toqaev tötenşe jağday kezinde qazaqstandıqtardıñ nesie jäne salıq tölemderin keyinge şegerudi tapsırdı. 

«Men bankterdiñ jağdayğa tüsinistik tanıtadı dep oylaymın», – dep atap ötti Toqaev.

Qazaqstan prezidentiniñ sözine qarağanda, azamattardıñ qarjılıq jağdayı naşarlanda, olar kepilsiz nesieler üşin banktik emes sektordıñ kömegine jüginedi. Lombardtarğa, internet-nesie beruşiler men mikroqarjılıq kompaniyalardan aqşa aluğa mäjbür boladı.

«Bwl rette halıqtı alayaqtıqtan saqtandırıp, salada tärtip ornatudıñ mañızı zor», – dedi Toqaev tötenşe jağday jönindegi memlekettik komissiyanıñ otırısında.

«Biz «küşti dauıldıñ» kuäsi bolıp otırmız. Pandemiya, mwnay superderjavalarınıñ şayqası jäne qor indeksteriniñ rekordtıq tömendeui soñğı jıldarı jahandıq ekonomikalıq jüye teñgeriminiñ bwzıluına äkep soqtı», – dedi memleket basşısı.

Prezident mwnday jağdayda, bäsekege qabiletti käsipkerlikke kömektesudiñ mañızdılığına toqtaldı.

Ol tötenşe jağdaydan zardap şekkenderdi tez anıqtap, twrğındardıñ ekonomikalıq swranısın azaytıp, olardı qoldau boyınşa birqatar şaralardı jüzege asıru kerek ekenin ayttı. Sonımen qatar käsipkerlik qızmetti ıntalandıru men bağanıñ twraqtılığın qamtamasız etu boyınşa şaralar keşenin äzirleudi tapsırdı.

«Şağın jäne orta bizneske ayıppwldar men ösimpwldar tölemey, salıqtardıñ jäne basqa da mindetti tölemderdiñ barlıq türin töleudi 3 ayğa keyinge qaldırudı wsınu qajet dep sanaymın», – dedi Q.Toqaev.

Onıñ aytuınşa, auılşaruaşılıq önimderi men azıq-tülik tauarlarına qosımşa qwn salığın uaqıtşa tömendetu, mañızdı importqa kedendik bajdardı joyu jäne tağı basqa şaralardı qarastıru qajet.

«Bwl jwmıs bir apta işinde jüzege asuı tiis», – dedi Prezident.

 

Back to top button