Елбасы бастамасын еліміздің бизнесі қолдады – Айдос Үкібай

Елбасы бастамасын еліміздің бизнесі қолдады – Айдос Үкібай

Елбасы бастамасын еліміздің бизнесі қолдады – Айдос Үкібай
ашық дереккөзі
Елбасының баспасөз хатшысы Айдос Үкібай Елбасы үндеуін бизнестің қолдауы қатерлі індетпен күресте айтарлықтай көмек болатынын айтады. Сондай-ақ ол бөлінген қаржы қатаң бақылауда болатынына сендірді. 
«Тәуелсіздік жылдары Қазақстанда отандық кәсіпкерлік саласы дамып, нығая түсуі үшін барлық мүмкіндіктер жасалған. «Күшті бизнес – Қуатты мемлекет» деген қағидат постулат болды. Дамыған бизнес қоғамымыздың әл-ауқатының негізі болып саналды. Кеше Елбасы Нұрсұлтан Назарбаев отандық кәсіпкерлерді мемлекетті қолдауға және осы қиын сәтте қаржылай көмек көрсетуге шақырды. Отандық бизнес-қауымдастықтың кейбір өкілдері мен ірі кәсіпорындардың басшылары Қазақстанның Тұңғыш Президентінің үндеуіне үн қосты. Осы уақытта құрылған қоғамдық қорға «Eurasian Resources Group» компаниясынан – 10 млн доллар, «Қазақмыс «корпорациясы» ЖШС – нан-10 млн доллар қаржы түсті. Төтенше жағдай режимін қамтамасыз ету жөніндегі мемлекеттік комиссияның атынан қоғамдық Қормен өзара іс-қимылды Премьер-Министрдің орынбасары Ералы Тоғжанов жүзеге асыратын болады. Жиналған қаражат мемлекеттік комиссияның ұсынымдарына сәйкес бөлінетін болады. Қоғамдық қор қаражат жинауды жалғастыруда және отандық бизнесмендерді, меценаттарды және немқұрайлы емес азаматтарды ортақ істерден тыс қалмауға шақырады. Аталған қаражат қауіпті инфекцияға қарсы күресте қажетті қажеттіліктерге – медициналық препараттарды, қорғаныс құралдарын, өкпені жасанды желдету аппараттарын, азық-түлікті және халықтың әлеуметтік осал топтарына арналған бірінші қажетті тауарларды сатып алуға жұмсалады. Қаражат шығынын қоғамдық және мемлекет қайраткерлері, үкіметтік емес ұйымдардың өкілдері кіретін Қордың Қамқоршылық кеңесі қатаң және ашық бақылайтын болады. Қордың Қамқоршылық кеңесі ірі бизнес өкілдерінің осы игі бастамаға қосылатынына сенімді».