Шүменов Астанада жекпе-жек өткізеді

209 рет оқылды
0

Бейбіт Шүменов Астанада жекпе-жек өткізеді. Бокс кеші 9 қыркүйек күні өтеді, деп жазады Vesti.kz. Порталдың хабарлауынша, бірінші ауыр салмақта WBA тұжырымы бойынша әлем чемпионы Бейбіт Шүменов (17-2, 11 КО)Астанада ЕХРО кезінде өтетін бокс кешінде жұдырықтасуға дайын екенін айтқан.

«Жуырда ғана жақын досым Қанат Исламмен сөйлестім. Ол Астанада жекпе-жек өткізетіні туралы айтып, оған мені де қатысуымды сұрады. Мен егер мүмкіндік болатын болса, өз халқымның алдында қуана жекпе-жек өткізетінімді айттым. Әрине, менің де бұл бокс кешіне қатысқым келеді. Әлемнің әр жерінде жекпе-жек өткізіп жүрген еліміздің боксшылары жиналып, Астанада өнер көрсетсек, бұл жанкүйерлер үшін ұмытылмас естелік боларына сенемін. Тек қазақстандық жанкүйерлер үшін емес, әлемдегі кәсіпқой боксқа қызығатындар үшін бұл өте қызық. Себебі қазақ боксшыларының жұдырықтасу стилін шетелдіктер жақсы көреді, жоғары бағалайды. Қазақстандық жанкүйерлер алдында жекпе-жек өткізбегеніме 6 жылдай болыпты. Елдің қиқуын, қолдауын сағындым. Тауда жүгіріп, бұлақ суын ішіп, қазы-қартамен қуаттанатын күн де алыс емес сияқты. 9 қыркүйекте әлем назары Астанада болады!», — дейді Шүменов.

comments powered by HyperComments