Аттестациядан кейін 40-қа жуық шенеуніктің қызметі төмендетілді

482 рет оқылды
0

Мемлекеттік қызметтегі басшылар жалған құжатпен ұсталды. Бұл туралы Мемлекеттік қызмет істері және сыбайлас жемқорлыққа қарсы іс-қимыл агенттігіне сілтеме жасап astanatv.kz хабарлады. 

 Мекеме «Б» корпусын кешенді аттестациялау деңгейінің бірінші кезеңін қорытындылады. Сынақтан сүрінгендер бар. Мысалы, Астана қаласы көлік жолдары басқармасы және Маңғыстау облыстық индустриалды-инновациялық даму басқарамасы басшыларының қызметі төмендетілген.

«Астана қаласы көлік жолдары басқармасы бастығы жалған сертификатпен өткен, ал Маңғыстау облыстық басқарма бастығы мемлекеттік қызметке өтіп тұрып, жоғары білімі туралы жалған диплом тапсырған», — деді  Мемлекеттік қызмет істері және СЖҚІҚ агенттігі төрағасының орынбасары Айгүл Шаимова.

Жоғары аттестациялық комиссиядан 1139 қызметкер өтті. Оның 36-ның қызметі төмендеп, керісінше, 130-ның лауазымы өсті, ал 973 шенеунік лауазымына лайық деп танылды.

«Қызметі төмендегендердің көбі Орталық мемлекеттік органдарда. Әсіресе Инвестициялар және даму министрлігінде. Ал жергілікті атқарушы органдар ішінде қызметі төмендегендер саны Қостанай облысында көп», — Айгүл Шаимова.

comments powered by HyperComments