Körmeniñ 16 mıñ qonağı qayda jayğasadı?

/  728 ret oqıldı
0
Bwl körmege dayındalu elordanıñ 2020 jılğa deyingi damu bağdarlamasınıñ negizgi kezeñderiniñ biri bolıp tabıladı. EKSPO körmesi Astanağa öz mümkindikterin älemge körsetuge, jaña aymaqtıq turistik jäne isker ortalıq retinde investorlardı tartuğa jağday jasaydı, dedi Astana qalasınıñ äkimdiginde ötken jinalısta Äset Isekeşev.
Qala äkimdigi «Astana EKSPO-2017» kompaniyasımen birlese körmege dayındıq jönindegi ştab qwrğan bolatın. Qazirgi tañda körmeniñ 16 mıñ qonağın jayğastıru mindeti äkimdikke jüktelip otır. Qazir Astana aumağında 12 482 orınğa arnalğan 164 qonaq üy jwmıs isteydi. Biıl tağı 2829 orındıq 23 qonaq üy nısanı qoldanısqa berilmek. Sonday-aq qalada 664 keluşige arnalğan 25 hostel jwmıs isteydi. 2017 jıldıñ mamır ayına deyin qonaq üyler men hostelderde 15 975 orın dayındaladı. Qosımşa jatın orın retinde JOO-lar men kolledjderdiñ jataqhanaların jäne jalğa beriletin päterlerdi paydalanu josparlanıp otır. 7345 orınğa arnalğan 17 jataqhana (18 JOO) eriktiler, jwmıs saparımen kelgen qızmetkerler sındı EKSPO meymandarın qabıldauğa äzir.
1710 orınğa şaqtalğan 10 kolledj jataqhanası dayındaldı. Olar eldiñ är aymağınan kelgen 40 mıñ oquşını 3 künge qabılday aladı. 2017 jıldıñ mamır ayına deyin jataqhanalarda 9055 orın dayındau közdelgen. Internet-resurstardıñ mälimdeuinşe, Astanada 18 mıñ päter jalğa beriledi. Onıñ 3 mıñı täulikke jalğa berilude, mwnda da 10 mıñğa juıq adam qabıldau mümkindigi qarastırılğan. EKSPO-nı ötkizu barısında wyımdastırılatın şaralardıñ küntizbelik josparı äzirlendi. Körmege turisterdi köptep tartu üşin ol şaralar elmen qatar şetelde de tanıstırılıp, nasihattaladı, dep jazadı äkimdik saytı. 

comments powered by HyperComments