QAZAQ POLICIYASI MEMLEKETTİK TİLGE NEGE QARSI?

/  245 ret oqıldı
0

 Elbasımızdıñ köptegen memleket basşılarınan köş ilgeri twratındığı da sonda – öte alğır, köregendigimen qosa bayqampaz bilimdiligi erekşe bilinip twradı. Osı jıldar işinde jıl sayınğı halıqqa Joldauında birde-bir sala nazarınan tıs qalğan emes, qoğamnıñ kez kelgen sala qızmetkerleriniñ mindetteri men maqsattarına bağıt-bağdar berip keledi. Äsirese, elimizdiñ tınıştığı jolında, beybit tirşiligi jolında sıñdarlı twjırımdamaların belgilep qana qoymay, onıñ  aldağı jwmıs barısın da qırağı baqılauında wstaydı.

Jaqında Memleket basşısınıñ törağalığımen Jañğırtu jönindegi wlttıq komissiya jwmısınıñ mäseleleri jöninde ötken keñeste Nwrswltan Nazarbaev qwqıq qorğau organdarına qızmetke qabıldau barısında konkurstıq räsimderdi qoldanu qajettigin ayttı. «Policiyanıñ elimizde qalıptasqan kelbeti özgeruge tiis. Qızmetkerler azamattardıñ senimine ie bolıp, olardıñ qızmeti eñ aldımen halıqqa kömek körsetuge bağıttaluğa tiis, – dedi Elbası. Sonımen qatar, Memleket basşısı jergilikti policiya qızmetiniñ qwziretin belgilep, olardıñ eseptiligine qatıstı elimizdiñ qwqıq qorğau organdarın jañğırtu mäselelerin qosımşa tağı pısıqtaudı tapsırdı.

Qoğamdıq tärtip degende, eñ aldımen policiya qızmetkerleri atalatını, ärine belgili. Zañ ortaq, Ata zañımızdı qoldaymız, qorğaymız. Sol siyaqtı tärtip te ortaq. Degenmen,  osı salanıñ qızmetkerlerin Elbasımız aytqanday, qayta süzbeden ötkizip, qatal bayqaudan ötkizip otıru bügingidey alañ-eleñ qoğamda kerek-aq. Äsirese, jol policiyalarınıñ öte-möte döreki qılıq tanıtıp jatatının kez kelgen avtokölik jürgizuşileri rastaytını tağı belgili.

Tayauda öz basımnan da osınday bir beyädep oqiğa ötkeni, biraz uaqıt eseñgirep jürip barıp,  aqırı qolıma qalam wstattı.

Oqiğa bılay boldı. Jwmıstan şığıp, Abay dañğılımen Ötegen batır köşesindegi köpqabattı twrğın üydiñ sırtına ornalasqan «Halıq bankiniñ» bankomatına bwrıldım. Ondağı oyım aqşa tüsti me, joq pa – sonı anıqtau edi. Köligimdi de söndirmesten, esigimdi de kilttemesten twraqtan üş-aq qadam qaşıqtıqtağı sol bir jäşikke kartamnıñ salıp, şotımdı dereu tekserdim de, keri bwrılğanım sol edi, policiya kiimindegi eki jigit meniñ köligimniñ janında twr. Jan-jağıma qarap olardıñ  qızmet köligin köre almadım.

–Aynalayın, ne bolıp qaldı, – dedim  twraqtağı mügedekter ornın jartılay basıp twrğanımdı añğarmağanday bop. – Öte asığıs boldım da, özderiñ de körip twrsıñdar esigimdi de jappastan bankomattı teksere salıp edim, – dedim iştey özimniñ kinämdi sezip twrsam da. Tärtiptiñ atı  qaşanda tärtip, bağınu kerek. Moyındau kerek! Biraq birdeñe aytu kerek qoy,  anasınday adam ekenimdi, tipti jurnalist ekenimdi aytıp dalbasalap jatırmın. Zeynetker ekenimdi, bwrın-soñdı eşqanday tärtip bwzıp, jol erejesin bwzbağanımdı da eskerttim.

 Äñgime sozılıp bara jattı ma, qaydam, köliktiñ işinen bir jas jigit (iığındağısına da qaramappın)  şıqtı da, tüsin suıtıp: «Vaşi dokumentı, a nu-ka  pokajite» demesi bar ma?!  Al kerek bolsa!

–Aynalayın, birinşiden, sen mağan qazaqşa söyle, ekinşiden… – dey berip edim, älgi  «Däl osı söziñiz üşin ayıppwl jazamın» demesi bar ma?!  Añırap qaldım.  Bwl ne swmdıq,  qazaq policiyası memlekettik tildi mensinbey me, joq älde… Qanım basıma şaptı. Sonda da sözimdi äri qaray jalğadım. –  Ekinşiden, dausıñdı bäseñdet,  kim bolsañ da aldıñda anañmen jastı adam twr, sälemiñ qayda, öziñdi tanıstır, eşkim qılmıs jasap qoyğan joq qoy, köp bolsa ayıppwl tölermiz, – dedim boyımdı ıza kernep.

Kölik jürgizip jürgenime bes jıl bolıptı. Osı uaqıt aralığında, beti aulaq, Qwday saqtasın, eşqanday jol erejesin bwzıp, ne bolmasa jolauşılarğa qauip töndiretindey oqiğa bolğan emes. Wsaq-tüyek mäseleler bolmasa,  jol policiyası da toqtatqan emes edi. Birneşe ret jol qauipsizdigi akciyaları kezinde toqtatıp, teksergeni bolmasa mwnday swmdıqpen betpe-bet kelip körmeppin. Jap-jas jigittiñ nege sonşa mädenietsizdik körsetip, beyädep qılıq tanıtqanına äri tañ qaldım, äri ızamdı keltirdi. Sasqanımnan  sırttay sıylap, qadir twtıp jüretin osı saladağı bir azamatqa telefon şaldım, «mınau ne degen swmdıq, qazaq policyası memlekettik tilimiz, tipti ana tilimiz ğoy, qazaq tilin nege mensinbeydi» degenimdi, ol azamattıñ «ana jigitterge beriñizşi, ne bolıp qaldı» degenin, al älgi «döreki policeydiñ» tipti trubkanı almağanı da odan sayın aşuımdı keltirdi.

Kinäsin moyındap, ärine, tolıq mügedekterge arnalğan twraqtı tolıq basıp twrmasam da, tärtiptiñ atı – tärtip, zañımızdı sıylau kerek dep iştey ökinip twrsam da, keşirim ötinip, jılı söylegenime ökingenim, älginiñ älgindey «sol söziñiz üşin» dep tepsinetindey qisını joq qıñır äñgime bolmağanın da, tipti qızmet köligi de emes, qay jaqtan kele qalğandarın da tüsinbey del-sal küyde üyge keldim.  Bas sınıp baradı, qan qısımım 150/90!!!   Ne kerek sol jatqannan, on kün tösek tartıp jatıp qalğanımdı da nesine jasırayın?!

Bwl Jaña jıldıñ aldındağı aptada bolğan oqiğa. Keler jıldan küter jaqsılıqtarım, bala-nemerelerimniñ, otbasımnıñ amandığın tilep, zor ümit küter Jaña jıldı wrıs-kerispen bastamayınşı degen oymen, biraz uaqıt ötkizip aldım. Jaqsılıqtar demekşi, älgi jigittiñ atı-jöni Bauırjan Jaqsılıqov eken, ızalanıp jürsem de, swrap aldım.

Keşe 106 mıñ 05 teñge ayıppwl töledim. Mäsele aqşada emes, ärine, bwl jüz mıñ kisi qwnı emes şığar, den sau bolsın deyik. Biraq qoğamdıq tärtip, jol qauipsizdigin baqılap-qadağalap otıratın, özimiz ömirimizdi senip tapsırğan jol policiyasındağı keybir azamattardıñ döreki minezderi, tipti mädenietsizdik tanıtıp, köpşilikpen qalay söylesu, qarım-qatınas jasau sındı qarapayım ğana qasietterdi bilmeytini, sezinbeytinin körip, Abay atamız aytpaqşı, «qaynaydı qanıñ, aşidı janıñ» bolıp jürip jatırmız. Bälkim, sizdiñ de oyıñızda jürgen osınday bir twrpayı oqiğalardı esiñizge tüsirer dep jariyalaudı jön kördik. Jol policiyasınan abay bolıñızdar, äsirese, janı näzik, jüregi jwmsaq qız-kelinşekter!!!

comments powered by HyperComments