Qazaqstan Prezidentiniñ Ündeui BWW Qauipsizdik Keñesiniñ alañında tanıstırıldı

/  531 ret oqıldı
0

10 qañtarda Qazaqstan alğaş ret BWW Qauipsizdik Keñesiniñ twraqtı emes müşesi retinde onıñ «Şielenisterdiñ aldın alu jäne beybitşilikti saqtau» taqırıbındağı aşıq pikirtalastarına qatıstı. N'yu-York qalasında ötken şara ayasında Qazaqstannıñ Sırtqı ister ministri Qayrat Äbdirahmanov Prezident Nwrswltan Nazarbaevtıñ «Qauipsiz, ädil jäne güldengen älem qwru üşin jahandıq äriptestikti nığaytuğa qazaqstandıq twjırımdamalıq közqaras» attı sayasi joldauın tanıstırdı, dep habarlaydı QazAqparat QR SİM baspasöz qızmetine silteme jasap.

İs-şarağa BWW Bas hatşısı Antoniu Guterriş, Wlıbritaniya, Italiya, Latviya, Pol'şa, Franciya, Niderlandı, Ukraina, Şveciya, Efiopiya jäne Japoniyanıñ sırtqı sayasi vedomstvolarınıñ basşıları jäne sırtqı ister ministrleriniñ orınbasarları, Resey, Qıtay, AQŞ jäne BWW-ğa müşe basqa da memleketterdiñ atalmış Wyım janındağı twraqtı ökilderi qatıstı. Qauipsizdik Keñesiniñ müşeleri jäne BWW elderiniñ ökilderi pikirtalastar barısında şielenisterdiñ aldın alu jäne beybitşilikti saqtau salasındağı özderiniñ wlttıq basımdıqtarı turalı mälimdedi, sonday-aq bükilälemdik Wyım qızmetiniñ osı basımdıqtı bağıttarı boyınşa jaña Bas hatşınıñ jwmısına qoldau bildirdi.

Pikirtalastar barısında Qazaqstannıñ Sırtqı ister ministri 2017-2018 jıldar kezeñinde Qauipsizdik Keñesiniñ twraqtı emes müşesi retindegi Qazaqstan ökilettikteriniñ bastaluına oray Memleket basşısınıñ Sayasi joldauın jariyaladı. Q. Äbdirahmanov bwl Joldaudıñ Memleket basşısınıñ 2016 jılğı 31 naurızdağı «Älem. HHİ ğasır» manifesiniñ qağidattarına negizdeletindigin jäne onı şığarmaşılıq twrğıdan damıtatındığın atap körsetti. Prezident N. Nazarbaevtıñ YAdrolıq qauipsizdik jönindegi IV sammit ayasında wsınılğan bağdarlamalıq qwjatınıñ BWW-nıñ 100 jıldıq mereytoyına qarsı yadrolıq qarusız älem qwru maqsatında halıqaralıq beybitşilik pen qauipsizdikti nığaytu, sonday-aq beybitşilik, qauipsizdik jäne damu arasındağı ajıramas baylanıstı qamtamasız ete otırıp, ğalamşardı soğıstar men şielenisterden arıltu isinde küş-jigerdi biriktiru jäne ıntımaqtasu qajettigine basa nazar audarğandığı belgili. Joldauda atap körsetilgendey, «Qazaqstan Keñeste beybitşilik pen qauipsizdikti saqtau men nığaytudıñ birinşi kezektegi mañızdılığın negizge ala otırıp, onıñ bükil kün tärtibi boyınşa ädil jäne şınayı jwmıs isteytin boladı». N. Nazarbaevtıñ aytuınşa, Astana «Qauipsizdik Keñesiniñ barlıq müşelerimen teñ qwqılı negizde ıntımaqtasa jwmıs isteuge, halıqaralıq beybitşilik pen qauipsizdikti nığaytu maqsatında ımırağa qol jetkizip, bätualastıqtıñ qalıptasuına septigin tigizuge nietti».

Osığan oray, joldauda BWW QK twraqtı emes müşesi retindegi Qazaqstan jwmısınıñ basımdıqtarı atap körsetildi. Olardıñ qatarında yadrolıq qarusız älemdi jaqındatu, jahandıq soğıs qaterin boldırmau, Auğanstandağı beybitşilikke ıqpaldasu, Ortalıq Aziyada beybitşiliktiñ öñirlik aymağın qalıptastıru, BWW qamqorlığımen Jahandıq lañkestikke qarsı koaliciya (jeli) qwru, Afrikanıñ beybit damuına järdemdesu, BWW-nıñ Ornıqtı damu maqsattarın, beybitşilik, qauipsizdik jäne damu arasındağı ajıramas baylanıstı ilgeriletu, BWW-nı HHİ ğasır talaptarına beyimdeu jäne jahandıq problemalardı şeşu üşin wjımdıq sayasi erikti nığaytu maqsatında memleketter men ükimetter basşıları deñgeyinde QK-ne müşe memleketterdiñ twraqtı kezdesuler tetigin kelisu bar. Memleket basşısı öz joldauında atap körsetkendey, «Qazaqstan Keñeste barlıq müşe eldermen atalmış basımdıqtı bağıttar boyınşa aşıq, ädil jäne sayasi jağdayatsız, jauaptı, salmaqtı jäne sındarlı türde jwmıs isteuge nietti». Osığan oray, qwjatta «Qazaqstannıñ mañızdı maqsatqa — HHİ ğasırda älemdi qauipsiz, ädil jäne güldengen älemge aynaldıru maqsatına qol jetkizu jönindegi öz bastamalarına äriptesteriniñ tarapınan qoldau körsetiletindigine senim bildiretindigi» aytıladı. Qazaqstandıq tarap sonday-aq pikirtalas qatısuşılarınıñ nazarın preventivti diplomatiyadağı, senim şaraların ilgeriletu men nığaytudağı, jappay qırıp-joyu qaruın tartpaudağı, dau-janjaldardı retteudegi  jäne halıqaralıq lañkestikke qarsı äreket etudegi birlesken küş-jigerdiñ mañızdılığına audardı. Qazaqstan basşılığınıñ Astanada Siriyada beybitşilik ornatu boyınşa kelissözder alañın wsınuğa dayın ekendigi tağı da atap körsetildi. Qazaqstan Prezidentiniñ joldauı otırıs qatısuşılarınıñ joğarı bağasına ie boldı. Bwdan basqa, onı BWW QK resmi qwjatı retinde tirkeu turalı şeşim qabıldandı. N'yu-Yorktegi sapar barısında sonday-aq Q. Äbdirahmanovtıñ BWW Bas hatşısı A. Guterrişpen kezdesui bolıp ötti. Kezdesu barısında Astananıñ Qauipsizdik Keñesine müşeligi bağdarlamasınıñ özekti mäselelerin jäne Qazaqstan men BWW ıntımaqtastığınıñ köp qırlı kün tärtibin talqılandı.

 

comments powered by HyperComments