OQO-da 265 mlrd teñgeniñ mülki men aqşa jariya etildi

/  813 ret oqıldı
0

Aymaqtıq kommunikaciyalar qızmetinde Qarjı basqarmasınıñ basşısı Keñesbek Mendebaev pen OQO boyınşa Memlekettik kirister departamentiniñ basqarma basşısı Äbdisalan Sağımbektiñ qatısuımen ötken brifingte mälim boldı.

Qarjı basqarması basşısınıñ aytuınşa, jariya etilgenderdiñ işinde qwnı 108,8 mlrd. teñgeni qwraytın 11711 jıljımaytın nısan zañdastırılğan. Onıñ 43.7 mlrd. teñgesi Şımkent qalasına tiesili bolsa, 65,1 mlrd. teñge audan-qalalardıñ ülesi. Jariya etilgenderdiñ işinde qwnı 75,2 mlrd. teñgeni qwraytın 10225 twrğın üy, 33,6 mlrd. teñgelik 1486 kommerciyalıq jäne basqa da nısandar bar.

Al, Qazaqstan Respublikasınan tıs jerlerde ornalasqan, jalpı qwnı 422,3 mln. teñgeni qwraytın 50 jıljımaytın mülik, 12 zañdı twlğalardıñ jarğılıq kapitalına qatısu ülesi jäne 3 bağalı qağazdar boyınşa qabıldanğan ötinişter zañdastırıldı. Sonımen qatar 155,9 mlrd. teñge jariya etildi.

– 2016 jıldıñ 30  jeltoqsanında elimizdegi mülikter men qarjılardı jariya etu jwmıstarı ayaqtaldı. Qorıtındısında joğarı körsetkişterimen belsendilik tanıtqan Oñtüstik Qazaqstan oblısı elimizde törtinşi orındı ielendi. Endi osı zañdastırudıñ nätijesinde jıl sayın oblıs byudjeti 55 million teñgege salıq tüsimderimen köbeyip otıratın boladı. Jıljımaytın mülikterin bankterge kepilge qoyu arqılı nesieler alıp biznesin keñeyte alatın azamattardıñ qatarı köbeydi. Olardıñ käsipkerlikpen aynalısıp, öndiris wlğaytuğa, tabısın eseleuge mümkindikteri mol. Mwnıñ oblısımızdıñ ekonomikasın tiimdi damıtuğa kömegi köp bolatını sözsiz, – dedi Keñesbek Nüsipqwlwlı.

– Endi elimizde zañdastırılmağan mülik üşin eşqanday eskertusiz birden 530250 teñge (250 AEK) ayıppwl salınadı. Al, eger bwl talap bir jıl işinde orındalmasa, zañsızdıq joyılmasa, 500 AEK köleminde ayıppwl töletiledi. Mülki men qarjısın zañdastırıp ülgermegenderdi osınday jaza kütip twr. Al, osı üş kezeñde barlıq düniesin jariya etkender tuarlı mälimet eşkimge berilmeydi jäne olar memleket tarapınan barlıq jağınan qorğaladı, – dedi Äbdisalan Jorawlı.

Qazaqstan azamattarı 2020 jıldan bastap jappay tabıs deklaraciyasın tapsıradı.

comments powered by HyperComments