Prem'er-ministr: Şahandağı jarılısqa «futbolşılar» kinäli

/  446 ret oqıldı
0

Prem'er-Ministr Baqıtjan Sağıntaevtıñ jauapkerşilikti bir-birine ısırıp qoyatın memlekettik organdar jwmısın sınğa aldı. Ükimet basşısı Şahandağı tötenşe jağday Ortalıq pen jergilikti biliktiñ arasında birliktiñ joqtığınan boldı dep esepteydi.

«Mağan bir närse wnamay twr, (energetikalıq qauipsizdik boyınşa — avt.) ökilettilikterdi özara bölisip, äkimdikterge berdik, aldıq dep otırsızdar. Alayda eşqanday jauapkerşilik joq. Endi, onı (memlekettik organdarğa — avt.) tağı qaytaru kerek pe, joq älde, qadağalau şaraların küşeytemiz deysizder. Ol dwrıs emes qoy. Ökilettilik berilgennen keyin jergilikti atqaruşı organdar öz mindetterin bwljıtpay orındauı tiis. Bizde energetika ministrliginde energetikalıq qadağalau qızmeti bar. Ol qayda qarap otır? Söytip, jergilikti bilikke ökilettilikti berdik deymiz, olar bolsa, ortalıqtandırılğan jılu jüyesin qosayın desek, ortalıq aqşa bermey otır dep şığadı. Ortalıq organdar bolsa, aqşa bereyin desek, jergilikti bilik qwjattardı jibermey jatır deydi. Osılayşa, «futbol oynap» otıradı. Aqır soñında Şaxan siyaqtı eldiñ mekenderdiñ jılıtuğa qatıstı barlıq problemalardı xalıqtıñ moynına artıp qoydıq. Osıdan keyin adamdar amal joq, peş qoyadı, «burjuyka» ornatadı, neşe türli qazandıqtardı kirgizedi. Üydi öz küşimen jılıtadı. Sosın keşegidey qayğılı oqiğalarğa tap bolamız», — dedi B.Sağıntaev. Onıñ oyınşa, eger üydi jılıtu qondırğıları qauipti bolsa, onda naqtı bir talaptardı äzirleu kerek. Osığan baylanıstı naqtı bir qwjattıñ bolğanı jön. «Bılayşa aytqanda, naqtı bir jwmıstı qolğa alğan jön. Biz bolsaq, äy, jılu bolsa boldı dep, salğırt qarap otırmız», — dedi Prem'er-ministr.

Ükimet basşısı B.Sağıntaev öz orınbasarı Asqar Maminge jergilikti äkimdikter men memlekettik organdardıñ özara jauapkerşiligin naqtı belgilep aludı mindettedi.

 

comments powered by HyperComments