ب.ساپارباەۆ: ءار جاڭا ۇيدەن جەتىمدەرگە پاتەر ءبولۋ كەرەك

/  104 رەت وقىلدى
0

بەردىبەك ساپارباەۆ پايدالانۋعا بەرىلگەن ءار تۇرعىن ۇيدەن جەتىم بالالارعا باسپانا ۇلەستىرۋ تۋرالى باستاما كوتەردى دەپ حابارلايدى tilshi.kz.

اقتوبە وبلىسىنىڭ اكىمى بۇل ويىن وڭىردەگى ءىرى قۇرىلىس كومپانيالارى باسشىلارىمەن كەزدەسۋىندە ايتتى.

«جەتىم جانە اتا-انا قامقورىنسىز قالعان بالالاردىڭ باستى پروبلەماسى – ولاردى باسپانامەن قامتاماسىز ەتۋ. ولار وقۋ وقىپ، ءبىلىم الادى دا، اياعىندا دالادا قالادى. ولار ءۇشىن جاسوسپىرىمدەر ءۇيى جۇمىس ىستەپ جاتىر، جۋىردا الەۋمەتتىك ءۇي اشىلدى، بىراق ونداعى ورىن سانى شەكتەۋلى. جىل سايىن مەملكەتتىك تۇرعىن ءۇي قورىنان 40-50 پاتەر بەرىلەدى، بىراق باسپاناعا مۇقتاجدار سانى ودان دا كوپ»، — دەدى ول.

سوندىقتان اكىمنىڭ پايىمىنشا، جەكە قاراجاتقا نەمەسە مەملەكەتتتىك باعدارلاما اياسىندا سالىنعان ءاربىر ۇيدەن جەتىم بالالار ءۇشىن پاتەرلەر الىپ قويۋ قاجەت.

«جاقىندا ماعان ىرعىز اۋدانىنداعى شارۋا قوجالىعىنىڭ باسشىسى يبراگيم سارسەنباەۆ كەلىپ، اۋدانداعى 6 جەتىم بالانى باسپانامەن جانە جۇمىسپەن قامتۋعا دايىن ەكەندىگىن جەتكىزدى. بۇل دۇرىس شەشىم. ەگەر ءبىز ولارعا كومەكتەسسەك، ولاردىڭ بولاشاقتارىنىڭ جارقىن بولۋىنا ىقپال ەتەمىز»، — دەدى بەردىبەك ساپارباەۆ.

وبلىس اكىمىنىڭ بۇل باستاماسىنا كاسىپكەرلەر قولداۋ كورسەتۋگە دايىن ەكەندەرىن جەتكىزدى.

comments powered by HyperComments