21 اقپان, 16:47 5459 0 جاڭالىقتار اسىل تۇمار

10 مىڭنان استام پوليتسيا قىزمەتكەرى قىسقاردى

سۋرەت عالامتوردان الىندى
سۋرەت عالامتوردان الىندى

قر ىشكى ىستەر ءمينيسترى ەرلان تۇرعىمباەۆ پوليتسەيلەردىڭ سانى 11 پايىزعا قىسقارتىلعانىن مالىمدەدى.

قازاقپاراتتىڭ مالىمەتىنشە، ىشكى ىستەر ورگاندارىن جاڭعىرتۋعا ارنالعان جول كارتاسىن ىسكە اسىرۋ بويىنشا پارلامەنت سەناتىنداعى ۇكىمەت ساعاتىندا مينيستر: «ىشكى ىستەر ورگاندارى ن رەفورمالاۋ – ۋاقىت تالابى. وسىعان وراي ەلباسى جول كارتاسىن ازىرلەۋ تۋرالى تاپسىرما بەردى. 2019-2021 جىلدارعا ارنالعان باعدارلاما ءوز ناتيجەسىن بەرە باستادى. العاشقى كەزەڭدە پوليتسەيلەردىڭ سانى 11 پايىزعا قىسقارتىلدى. پروفيلاكتيكانى كۇشەيتۋ ءۇشىن قىزمەتكەرلەر مەكتەپ، كوشە، قوعامدىق ورىندارعا جىبەرىلدى. شەتەلدەن كەلگەن قوناقتار ءۇشىن التى وبلىستا تۋريستىك پوليتسيا اشىلدى»، – دەپ اتاپ وتكەن.

ايتا كەتەيىك، اتالمىش جول كارتاسى 9 باستى باعىتتى كوزدەيدى، ولاردىڭ ارقايسىسى بويىنشا بىلتىر بىرقاتار جۇمىس اتقارىلدى.

«ءبىرىنشى باعىت ۇيىمداستىرۋشىلىق-شتاتتىق قۇرىلىمدى وڭتايلاندىرۋعا نەگىزدەلگەن. وسى باعىتتىڭ ماقساتى – ىقشام اپپاراتتى قۇرۋ. بۇل تۇرعىدا 100 مىڭ تۇرعىنعا شاققاندا پوليتسەيلەر سانىن ورتاشا ەۋروپالىق دەڭگەيگە دەيىن جەتكىزۋ ەسكەرىلگەن. ءىىم جانە ونىڭ ۆەدومستۆولارىنىڭ فۋنكتسيالارىنا تالداۋ جۇرگىزىلدى، ناتيجەسىندە 106 ارتىق باسقارۋ بۋىندارى جانە 1 483 باسشىلىق لاۋازىمدار تاراتىلدى. ءىىم قىزمەتكەرەلەرى سانى 11 پايىزعا كەمىدى، ياعني 10 592 قىزمەتكەر قىسقارتىلدى»، – دەدى ە.تۇرعىمباەۆ.

وسى ورايدا 16 ملرد تەڭگەگە جۋىق قارجى ۇنەمدەلدى.

ۆەدومستۆو باسشىسى: «ناتيجەسىندە 100 مىڭ تۇرعىنعا شاققانداعى پوليتسەيلەردىڭ سانى 471-دەن 393-كە دەيىن ازايدى. بۇل ورتاشا ەۋروپالىق دەڭگەيگە سايكەس كەلەدى»، – دەدى.

سوڭعى جاڭالىقتار