21 اقپان, 11:15 987 0 جاڭالىقتار اسىل تۇمار

قوعامدىق ورىنداردا ماس كۇيىندە جۇرگەن مىڭعا جۋىق ادام جاۋاپقا تارتىلدى

سۋرەت عالامتوردان الىندى
سۋرەت عالامتوردان الىندى

سولتۇستىك قازاقستان وبلىسىندا ءتارتىپ ساقشىلارى قوعامدىق ورىنداردا ماس كۇيدە جۇرگەن 948 ادامعا اكىمشىلىك حاتتاما تولتىردى، – دەپ جازدى قازاقپارات.

سقو پوليتسيا دەپارتامەنتى ءباسپاسوز قىزمەتىنىڭ مالىمەتىنشە، ايەلدەرگە قاتىستى قىلمىستاردىڭ ءاربىر ءتورتىنشىسى سپيرتتىك ىشىمدىكتى بىرگە وتىرىپ ىشۋدەن كەيىن جاسالادى. ال دەنساۋلىققا اۋىر جانە ورتاشا زيان كەلتىرۋ ءاربىر ەكىنشى قىلمىس ماس كۇيدە جاسالادى.

زاڭسىز اينالىمنان سپيرتتىك ىشىمدىكتەردى الۋ ءۇشىن ءتارتىپ ساقشىلارى ۇنەمى رەيدتىك ءىس-شارالار ۇيىمداستىرادى، حالىقتىڭ ارىز-شاعىمىمەن جۇمىس ىستەيدى.

اققايىڭ اۋدانىندا تۇرعىندارمەن كەزدەسۋ بارىسىندا ولار چەركاسسكوە ەلدى مەكەنىندەگى ءبىر ۇيدە زاڭسىز اراق-شاراپ ساتىلاتىندىعىنا نارازىلىق بىلدىرگەن. پوليتسيانىڭ ۋچاسكەلىك ينسپەكتورى، اۋىلدىق وكرۋگتىڭ قوعامدىق كەڭەسىنىڭ مۇشەسى پروبلەمالىق مەكەنجايلاردى تەكسەرۋ بارىسىندا سپيرتتىك ىشىمدىك ساتىپ جاتقان 39 جاستاعى اۋىل تۇرعىنىنىڭ ۇستىنەن تۇسكەن. كاسىپكەرلىكپەن رۇقساتسىز اينالىسقان وعان اكىمشىلىك حاتتاما تولتىرىلىپ، زاڭسىز ءونىم تاركىلەندى.

«وبلىستا جىل باسىنان وسىنداي 25 دەرەك انىقتالىپ، 59,5 ليتر سپيرتتىك ءونىم الىندى. بۇدان باسقا اراق-شاراپ ساتاتىن ساۋدا ورىندارىن دا باقىلاۋدا ۇستايمىز. ويتكەنى 21 جاسقا دەيىنگىلەرگە سپيرتتىك ىشىمدىكتى ساتۋعا بولمايدى. سونداي-اق ساعات 23.00-دەن 12.00-گە دەيىن قۇرامىندا 30% ەتيل ءسپيرتى بار سۋسىنداردى ساتۋعا بولمايتىنىن ەسكەرتەمىز. تالاپتى ورىنداماعاندارعا 10 اەك مولشەرىندە ايىپپۇل سالىنادى»، – دەيدى سقو پد جەرگىلىكتى پوليتسيا قىزمەتى باسقارماسىنىڭ باستىعى ايدىن بايماتوۆ.

جالپى جىل باسىنان 16 اكىمشىلىك حاتتاما تولتىرىلسا، سونىڭ ۇشەۋى پەتروپاۆلعا تيەسىلى. سوتتىڭ شەشىمىمەن ەكى ازىق-تۇلىك دۇكەنىنىڭ جانە «شوكولاد» تۇنگى كلۋبىنىڭ اراق-شاراپ ساتۋعا ليتسەنزياسى ۋاقىتشا توقتاتىلدى.

سونداي-اق قوعامدىق ورىنداردا ماس كۇيدە جۇرەتىندەرمەن كۇرەس جالعاسۋدا. جىل باسىنان وبلىستا ىشىمدىك ءىشىپ ەسىرگەن 948 ادام جاۋاپقا تارتىلدى.

سوڭعى جاڭالىقتار