20 اقپان, 10:52 513 0 نۇر وتان اسەل انۋاربەك

پارتيا بىردە-ءبىر سۇراقتى ەسكەرۋسىز قالدىرمايدى

Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەكتىڭ وڭىرلەرگە ساپارى جالعاسۋدا. ول پاۆلودار وبلىسىنىڭ شالعايداعى بىرقاتار ەلدى مەكەندەرىنىڭ تۇرعىن­دارى­مەن كەزدەسىپ، كوكەيكەستى ماسەلەلەردى سول جەردە تالقىلاپ، شەشىمىن بىرگە قاراستىردى.

جۇمىس ساپارىنىڭ ءبىرىنشى كۇ­نى باۋىرجان بايبەك نوۆوچەرنوياركا اۋىلىنىڭ تۇرعىن­دا­رىمەن كەزدەستى. مۇندا 16 كوپقا­بات­تى تۇرعىن ءۇيدىڭ 800-گە جۋىق تۇر­عىنى ورتالىق جىلىتۋ جۇيەسىنە قو­سىلماعان. اۋىل تۇرعىندارى بۇل ءما­سەلەنى وسىعان دەيىن بىرنەشە رەت كو­تەرگەن، ءتىپتى پارتيانىڭ قوعام­دىق قابىلداۋى ارقىلى دا قوزعاعان  ەكەن.

«تۇرعىندارمەن بىرگە وسىنىڭ شە­شۋ جولدارىن تالقىلادىق. اي­ماق باسشىلىعى اۋىلدا جىلىتۋ قا­ز­اندىعى سالىنادى دەپ ءسوز بەردى. بۇل اتالعان تۇرعىن ۇيلەردەن بولەك تا­عى دا 5 الەۋمەتتىك نىساندى، ونىڭ ءىشىن­دە تاياۋ ماڭدا ورنالاسقان مەك­تەپ­تى، بالاباقشانى جانە دارىگەرلىك امبۋلاتوريانى جىلۋمەن قامتا­ما­سىز ەتپەك. ونىڭ ورىندالۋىن Nur Otan ءوز باقىلاۋىنا الدى»، – دەدى باۋىر­جان بايبەك ءوزىنىڭ Facebook-تەگى پاراقشاسىندا.

ونىڭ ايتۋىنشا، پاۆلودار وبلىسىنا ساپارعا شىعار ال­دىندا ول بۇقارالىق اقپارات قۇ­رال­دارى مەن الەۋمەتتىك جەلى ماتە­ريال­دارى ارقىلى ءوڭىردىڭ كوكەي­كەس­تى ماسەلەلەرىمەن مۇقيات تانىس­قان. بيلەۋشى پارتيا توراعاسىنىڭ ءبىرىن­شى ورىنباسارى بىرنەشە جىلدان بەرى وبلىس ورتالىعىندا «ەكىنشى پاۆلودار» ىقشاماۋدانىنداعى جە­­كە تۇرعىن ۇيلەردى ەرىگەن جانە جە­­راستى سۋلارى دەڭگەيىنىڭ كوتە­رىلۋى سالدارىنان سۋ باسۋى ماسە­لە­سى­نە نازار اۋداردى.

ماسەلەنىڭ وزەكتىلىگى ەسكەرىلە وتى­رىپ، وبلىستىڭ جاڭا اكى­مىمەن تۇرعىنداردىڭ كەزدەسۋى ۇيىم­داستىرىلدى. ابىلقايىر سقا­قوۆتىڭ ايتۋىنشا، ماسەلەنى جۇيەلى جانە جان-جاقتى شەشۋ ءۇشىن ءتيىستى ماماندار مەن ساراپشىلار تارتىلاتىن بولادى. سونىمەن قاتار 8 شا­قىرىم كارىز جەلىلەرىن تارتۋ ءجا­نە تاعى 10 شاقىرىم كوممۋنيكا­تسيانى سالۋ ءۇشىن جوبالىق-سمە­تا­لىق قۇجاتتاما ازىرلەنەدى. بۇدان بۇ­رىن جەراستى سۋلارىنىڭ دەڭگەيىن ءتو­مەندەتۋ ءۇشىن 5 قۇدىق بۇرعى­لا­نىپ، سۋ ساقتاۋ شۇڭقىرى سالىنعان، 3 سورعى ستانساسى ورناتىلعان.

كەزدەسۋدە جەرگىلىكتى تۇر­عىن­دار مونوپوليست كومپانيا «پاۆ­لودار سۋ كانالى» جشس-نە قا­را­تا تاريفتەردىڭ، سۋدى ەسەپتەۋ اس­پاپ­تارى قۇنىنىڭ ايقىندىعىنا قا­تىستى نارازىلىقتارىن دا ءبىل­دىر­دى. باۋىرجان بايبەك ءوز كەزەگىندە تاياۋ ۋاقىتتا پارتيا الاڭىندا بار­لىق مۇددەلى ورگانداردىڭ قا­تىسۋى­مەن اشىق پارتيالىق تىڭداۋ ءوت­كىزۋدى تاپسىردى.

جۇمىس ساپارى بارىسىندا پار­تيا توراعاسىنىڭ ءبى­رىن­شى ورىنباسارى «مۇنايحيم» كاسىپورنىنىڭ قىزمەتكەرلەرىمەن دە كەزدەستى. مۇندا الەۋمەتتىك جانە ەڭ­بەك قۇقىقتارىن قورعاۋ سالا­سىن­داعى وزەكتى ماسەلەلەر تالقىلاندى. باۋىر­جان بايبەك ەلباسى باستاماسىمەن قولعا الىنعان يندۋستريالاندىرۋ باعدارلاماسىنىڭ ارقا­سىن­­دا وڭىردە مىڭداعان جۇمىس ور­نىنىڭ اشىلعانىن تىلگە تيەك ەتتى.

«جۇمىسپەن قامتۋمەن قاتار جاي­لى جانە قاۋىپسىز ەڭبەك جاع­دايىن جاساۋ قاجەت. بۇل ءۇشىن باستاۋىش پارتيا ۇيىمدارى كاسىپو­داق­تارمەن بىرلەسىپ كاسىپورىن باسشى­لى­عىنا تۋىنداعان ماسەلەلەر مەن قىزمەتكەرلەردىڭ ۇسىنىس-تىلەكتە­رىن ۋاقىتىلى جەتكىزىپ وتىرۋى ءتيىس. بۇل رەتتە بىردە-ءبىر سۇراقتى نازاردان تىس قالدىرۋعا بولمايدى. پرە­زيدەنتىمىزدىڭ «حالىق ۇنىنە قۇلاق اساتىن مەملەكەت» تۇجىرىمدا­ما­سى­نىڭ ناقتى ىسكە اسۋى دەگەنىمىز وسى»، – دەپ اتاپ ءوتتى ول.

سونىمەن قاتار باۋىرجان باي­بەك پاۆلودار وبلىسىن­داعى پارتيا اكتيۆىمەن كەزدەسۋ وتكىزىپ، وندا ءساۋىر-مامىر ايلارىندا اشىق ىشكى پارتيالىق سايلاۋ – پراي­مەريز وتكىزۋگە دايىندىق بارىسى تۋرالى پىكىر الىستى.

«پارتيامىزدىڭ كوشباسشىسى، ەلباسىنىڭ تاپسىرماسى بويىنشا بارلىق دەڭگەيدەگى ماسليحاتتارعا ۇسى­نىلاتىن ءتىزىمدى ءتۇزۋ كەزىندە ون­دا ايەلدەر 30 پايىزدان، ال 35 جاس­قا دەيىنگى جاستاردىڭ سانى 20 پايىز­دان كەم بولماۋى ءتيىس دەگەن جوس­پار بار.

سونداي-اق ماسليحاتتارعا باس­قا دا الەۋمەتتىك توپ وكىل­دەرى ۇسىنىلۋى ءتيىس. اتاپ ايتقاندا، ەرەك­شە قاجەتتىلىكتەرى بار جاندار، كوپ­بالالى انالار جانە تاعى باسقا­لارى قامتىلۋى كەرەك. بۇل رەتتە قوعامدىق پىكىر كوشباسشىلارىن جانە ۇكىمەتتىك ەمەس ۇيىمداردىڭ ەل ىشىندە ءسوزى ءوتىمدى، جۇرتشىلىق­تىڭ سەنىمىنە يە بولعان وكىل-دەرىن ءىل­گە­رىلەتۋگە باسا نازار اۋدارىلادى.

ءبىزدىڭ قاعيداتىمىز – «جىگەرلى ليدەرلەر – قۋاتتى پارتيا». ازاماتتىق قوعاممەن قويان-قول­تىق ارالاسىپ، ءوزارا بىرلەسە ارە­كەت ەتۋ عانا ازاماتتارىمىزدىڭ ءال-اۋقاتىن ارتتىرۋدى قامتاماسىز ەتۋگە جول اشاتىنىنا سەنىمدىمىن!» – دەپ مالىمدەدى پارتيا توراعاسى­نىڭ ءبىرىنشى ورىنباسارى.

كەزەكتەن تىس كونفەرەنتسيا با­رىسىندا وبلىس اكىمى ءابىل­قايىر سقاقوۆ پاۆلودار وبلىس­تىق فيليالىنىڭ توراعاسى بولىپ سايلاندى.

جۇمىس ساپارىنىڭ ءبىرىنشى كۇنىن قورىتىندىلاي كە­لە، باۋىرجان بايبەك پارتيانىڭ قوعامدىق قابىلداۋ بولمەلەرىنە پاۆ­لودارلىقتاردان كەلىپ تۇسكەن ءوتى­نىشتەردى ساراپتاۋ ارقىلى شە­شىمىن كۇتكەن ءبىرىنشى كەزەكتەگى ءمىن­دەتتەردىڭ اۋقىمى انىقتالعانىن اتاپ ءوتتى. بۇلار – الەۋمەتتىك قامتۋ، ءبىلىم بەرۋ، دەنساۋلىق ساقتاۋ، قور­شا­عان ورتانى قورعاۋ ساپاسى، سون­داي-اق تۇرعىن ءۇي قورىنىڭ ماردىمسىز جاعدايى، ەلدى مەكەندەردى اباتتاندىرۋ جانە تاعى دا باسقا كوپتەگەن ماسەلە.

«ازاماتتارىمىزدى الاڭداتىپ وتىرعان ماسەلەلەر بۇگىندە ازىرلەنىپ جاتقان ايماقتى دامىتۋدىڭ 5 جىل­دىق باعدارلاماسىنا ەنگىزىلەدى. ءبىز ءار قالانى، اۋداندى جانە اۋىلدى قام­تۋدى جوسپارلاپ وتىرمىز. وسى با­عىتتاعى جۇمىستاردى پارتيا ور­تالىق جانە جەرگىلىكتى مەملەكەتتىك ورگاندارمەن بىرلەسە وتىرىپ بىرنەشە ايدان بەرى جۇرگىزىپ تە كەلەدى. Nur Otan ءتۇيىندى ماسەلەلەرگە قۇلاق اسىپ قانا قويماي، ولاردى شەشۋ ءۇشىن ناقتى شارالاردى قولعا الۋى كەرەك. ول ءۇشىن بىزدە قاجەتتى رەسۋرس­تار بار، ەڭ باستىسى، قاراپايىم حا­لىق قولداپ وتىر»، – دەدى ول.

سوڭعى جاڭالىقتار