18 اقپان, 13:59 715 0 جاڭالىقتار اسىل تۇمار

ەلىمىزدىڭ كەن ورىندارى سارقىلۋدا – اسقار مامين

سۋرەت عالامتوردان الىندى
سۋرەت عالامتوردان الىندى

قر تۇڭعىش پرەزيدەنتى – ەلباسى نۇرسۇلتان نازارباەۆ ەكونوميكانىڭ ءداستۇرلى ءوندىرۋشى سالالارىنىڭ تيىمدىلىگىن ارتتىرىپ، قازاقستاندى گەولوگيالىق بارلاۋدىڭ الەمدىك نارىعىنا شىعارۋ مىندەتىن قويدى.

وسى ورايدا پرەمەر-مينيستر اسقار مامين: «مۇناي-گاز بەن تاۋ-كەن مەتاللۋرگياسى سالالارىن ورنىقتى شيكىزات بازاسىمەن قامتاماسىز ەتۋ قاجەت. قازىرگى كەن ورىندارى بىرتىندەپ، سارقىلۋدا. سونىمەن بىرگە، بۇگىنگى كۇنى قازاقستان اۋماعىن زەرتتەۋ دەڭگەيى 25 پايىزدان ءسال عانا اسىپ وتىر. وسىعان بايلانىستى مەملەكەت باسشىسى قاسىم-جومارت توقاەۆ ۇكىمەتكە گەولوگيالىق بارلاۋدىڭ مەملەكەتتىك باعدارلاماسىن ازىرلەۋدى تاپسىردى»، – دەدى.

پرەمەر-ءمينيستردىڭ ايتۋىنشا، بولاشاق مەملەكەتتىك باعدارلامانىڭ تۇجىرىمداماسى گەولوگيالىق سالانى دامىتۋعا باعىتتالعان.

«جالپى، ۇسىنىلعان تاسىلدەردى قولدايمىز. گەولوگيالىق بارلاۋدىڭ مەملەكەتتىك باعدارلاماسىن ءتيىمدى ىسكە اسىرۋ ارقىلى 1 تەڭگە سالىپ، سالاعا 4 تەڭگەگە دەيىن قوسىمشا جەكە ينۆەستيتسيا تارتۋعا بولادى. ەلىمىزدىڭ، اسىرەسە مونوقالالاردىڭ ماڭىندا مينەرالدىق شيكىزات بازاسىن مولىقتىرۋ ەكونوميكاعا وڭ اسەرىن تيگىزىپ، ونەركاسىپ سالالارىن دامىتۋ ءۇشىن ناقتى نەگىز بولادى. مۇنان باسقا، جاڭا كەن ورىندارىن اشقان كەزدە جاڭا وندىرىستىك كەشەندەر قۇرىلادى. بۇل 6 ترلن تەڭگەگە دەيىن ينۆەستيتسيا تارتىپ، 20 مىڭعا جۋىق جۇمىس ورىندارىن اشۋعا مۇمكىندىك بەرەدى. گەولوگيالىق بارلاۋ جۇمىستارىن جۇرگىزگەن كەزدە گەوفيزيكالىق زەرتتەۋ مەن جەردى قاشىقتان زوندتاۋدىڭ جاڭا ادىستەرىن قولدانۋ كەرەك. ەكولوگيا، گەولوگيا جانە تابيعي رەسۋرستار مينيسترلىگىنە وسى جىلدىڭ 31 مامىرىنا دەيىن مەملەكەتتىك باعدارلاما جوباسىن ۇكىمەتكە ەنگىزۋدى تاپسىرامىن»، – دەدى پرەمەر-مينيستر.

سوڭعى جاڭالىقتار