14 اقپان, 15:43 309 0 جاھان انار لەپەسوۆا

قاسىم-جومارت توقاەۆ ميۋنحەنگە باردى

مەملەكەت باسشىسى گەرمانيانىڭ ميۋنحەن قالاسىنا جۇمىس ساپارىمەن باردى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي حابارلادى. 

ساپار باعدارلاماسى اياسىندا پرەزيدەنت ميۋنحەن قاۋىپسىزدىك كونفەرەنتسياسىنىڭ پانەلدىك پىكىرتالاسىنا قاتىسادى.قاسىم-جومارت توقاەۆ بىرنەشە مەملەكەتتىڭ باسشىلارىمەن، حالىقارالىق ۇيىمداردىڭ، گەرمانيانىڭ ءىرى كومپانيالارىنىڭ جەتەكشىلەرىمەن، سونداي-اق اكادەميالىق توپتاردىڭ وكىلدەرىمەن بىرقاتار ەكىجاقتى كەزدەسۋلەر وتكىزەدى دەپ جوسپارلانعان.

بەرىك ءۋالي Facebook-پاراقشاسىندا كونفەرەنتسيادا قاسىم-جومارت توقاەۆتىڭ ايماقتىق قاۋىپسىزدىك ماسەلەلەرىنە قاتىستى پىكىرتالاسقا قاتىسىپ، «گەوگرافيالىق ورنالاسۋدىڭ ماڭىزى: ورتالىق ازيا تۋرالى اڭگىمە» تاقىرىبىندا ءسوز سويلەيتىندىگىن جازدى.

اتالعان ميۋنحەن كونفەرەنتسياسىنا 40-قا جۋىق مەملەكەتتىڭ باسشىلارى، 100-دەن استام سىرتقى ىستەر جانە قورعانىس مينيسترلەرى، حالىقارالىق قاتىناستار سالاسىنداعى بەدەلدى ساراپشىلار، ەۋروكوميسسيا وكىلدەرى، سونداي-اق ەۋروپالىق پارلامەنت دەپۋتاتتارى قاتىسادى دەپ كۇتىلۋدە. ميۋنحەن قاۋىپسىزدىك كونفەرەنتسياسىنىڭ 56-شى وتىرىسى 2020 جىلدىڭ 14-16 اقپانى ارالىعىندا وتەدى. الدىن الا اقپارات بويىنشا، كونفەرەنتسيانى گەرمانيانىڭ فەدەرالدىق پرەزيدەنتى فرانك-ۆالتەر شتاينمايەر اشاتىن بولادى.

بۇگىندە بىرقاتار ەلدىڭ باسشىلارى فورۋمعا قاتىساندىقتارىن راستادى. كونفەرەنتسيا كۇنتارتىبىندە «ەو مەن ناتو بولاشاعى»، «كيبەرقاۋىپسىزدىك»، «دەنساۋلىق ساقتاۋ ماسەلەلەرى»، «ساۋدا سوعىستارى مەن سانكتسيالار»، «جالعان اقپارات، ناسيحات پەن كۇماندى جاڭالىقتار»، «قىتاي ءرولى مەن ەو-نىڭ رەسەيمەن جانە اقش-پەن قاتىناسى»، «تاياۋ شىعىستاعى احۋال» تاقىرىپتارى تالقىلانباق. اتاپ ايتقاندا، مەملەكەت باسشىسىنىڭ ميۋنحەن قاۋىپسىزدىك كونفەرەنتسياسىنا قاتىسۋى قازاقستاننىڭ باستامالارىن الەمدىك ارەنادا ىلگەرىلەتۋدىڭ، بىتىمگەرشىلىك سالاسىنداعى نەگىزگى وڭىرلىك ويىنشى رەتىندەگى قازاقستاننىڭ بەدەلىن نىعايتۋدىڭ ماڭىزدى كەزەڭى بولادى. سونىمەن قاتار، بۇگىنگى كەزدەسۋلەر 2019 جىلعى جەلتوقساندا قاسىم-جومارت توقاەۆتىڭ گەرمانياعا رەسمي ساپارى بارىسىندا قول جەتكىزىلگەن ۋاعدالاستىقتاردىڭ ءتيىمدى ىسكە اسىرىلۋىنا ايتارلىقتاي ىقپال ەتەدى.

 

سوڭعى جاڭالىقتار