11 اقپان, 20:04 896 0 جاڭالىقتار اسىل تۇمار

پرەمەر-ءمينيستردىڭ ورىنباسارى تاعايىندالدى

سۋرەت عالامتوردان الىندى
سۋرەت عالامتوردان الىندى

قازاقستان پرەزيدەنتى قاسىم-جومارت توقاەۆتىڭ №265 جارلىعىمەن ەرالى توعجانوۆ پرەمەر-ءمينيستردىڭ ورىنباسارى بولىپ تاعايىندالدى.

جاڭادان سايلانعان ۆيتسە-پرەمەردىڭ كانديداتۋراسى بۇگىن ءماجىلىس ۇيىندە وتكەن الەۋمەتتىك-مادەني دامۋ جونىندەگى پالاتا كوميتەتىنىڭ وتىرىسىندا ماقۇلداندى. پرەمەر-ءمينيستردىڭ تاپسىرماسىمەن كانتسەلياريا جەتەكشىسى عالىمجان قويشىباەۆ ەرالى لۇقپانۇلىنىڭ مول جۇمىس تاجىريبەسى مەن جوعارى كاسىبيلىگىن تىلگە تيەك ەتە وتىرىپ، ونىڭ كانديداتۋراسىن ۇسىندى.

كوميتەت وتىرىسىنىڭ قورىتىندىسى بويىنشا «قازاقستان رەسپۋبليكاسى پارلامەنت ءماجىلىسىنىڭ الەۋمەتتىك-مادەني دامۋ جونىندەگى كوميتەتى قر كونستيتۋتسياسىنىڭ «قازاقستان رەسپۋبليكاسىنىڭ پارلامەنتى جانە ونداعى دەپۋتاتتار مارتەبەسى تۋرالى» 22-1 بابىنا سايكەس، پرەمەر-مينيستر ۇسىنعان ەرالى لۇقپانۇلى توعجانوۆتىڭ كانديداتۋراسىن قر پرەمەر-ءمينيسترىنىڭ ورىنباسارى قىزمەتىنە لايىق دەپ سانايدى» دەگەن تۇجىرىم جاسالدى.

توعجانوۆ ەرالى لۇقپانۇلى 1963 جىلى 13 مامىردا باتىس قازاقستان وبلىسىندا دۇنيەگە كەلگەن.

ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىن (1983-1988 جج.) قۇقىقتانۋ ماماندىعى بويىنشا بىتىرگەن. قر عىلىم اكادەمياسىنىڭ مەملەكەت جانە قۇقىق ينستيتۋتىن (1991-1994جج.) تامامداعان، ماماندىعى – زاڭگەر.

  • 1991 جىلدان 1998 جىلعا دەيىن ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ مەملەكەت جانە قۇقىق تەورياسى مەن تاريحى كافەدراسىندا وقىتۋشى;
  • 1994-1996 جج. قر عىلىم اكادەمياسىنىڭ مەملەكەت جانە قۇقىق ينستيتۋتىندا عىلىمي قىزمەتكەر;
  • 1996 جىلدان باستاپ قازاق گۋمانيتارلىق زاڭ ۋنيۆەرسيتەتىنىڭ مەملەكەتتىك قىزمەت جانە حالىقارالىق قۇقىق فاكۋلتەتىنىڭ اعا وقىتۋشىسى، دەكان ورىنباسارى;
  • 1994 جىلدان باستاپ اتالعان ۋنيۆەرسيتەتتىڭ حالىقارالىق قۇقىق فاكۋلتەتىنىڭ دەكانى;
  • 1999 جىلى فيليال دەكانى;
  • 2001 جىلى استانا قالاسىنىڭ قازاق گۋمانيتارلىق زاڭ ۋنيۆەرسيتەتىنىڭ قۇقىق جانە مەملەكەتتىك قىزمەت ينستيتۋتىنىڭ ديرەكتورى;
  • 2001-2006 جج. قاراعاندى وبلىسى اكىمىنىڭ ورىنباسارى;
  • 2006-2008 جج. قازاقستان رەسپۋبليكاسى ادىلەت مينيسترلىگى ءدىن ىستەر كوميتەتىنىڭ توراعاسى;
  • 2008 جىلدىڭ قاڭتارىندا قازاقستان رەسپۋبليكاسى پرەزيدەنتى وكىمىمەن قازاقستان رەسپۋبليكاسى پرەزيدەنت اكىمشىلىگىنىڭ قازاقستان حالقى اسسامبلەياسى حاتشىلىعىنىڭ مەڭگەرۋشىسى;
  • 2017 جىلدىڭ ناۋرىزىندا ماڭعىستاۋ وبلىسىنىڭ اكىمى;
  • 2019 جىلدىڭ قىركۇيەگىندە كاسىپوداقتار فەدەراتسياسىنىڭ توراعاسى قىزمەتتەرىن اتقاردى.

مەملەكەتتىك ماراپاتتارى جانە قۇرمەتتى اتاقتارى بار. ءىى دەڭگەيلى «دوستىق» وردەنى جانە «ەرەن ەڭبەگى ءۇشىن» مەدالىمەن ماراپاتتالعان.

سوڭعى جاڭالىقتار