15 جەلتوقسان, 11:04 392 0 سپورت انار لەپەسوۆا

گريگوري بابايان جاڭا قىزمەتكە كىرىستى

قوستانايلىق «توبىل» كلۋبى قازاقستاندىق مامان گريگوري بابايانمەن كەلىسىم-شارتقا وتىردى. بۇل تۋرالى كلۋبتىڭ ءباسپاسوز قىزمەتى حابارلادى. 

«بۇگىن قازاقستاننىڭ ەڭ ۇزدىك جاتتىقتىرۋشىسىنىڭ ءبىرى گريگوري بابايانمەن كەلىسسوز جۇرگىزدىك. جانكۇيەرلەر ونى «استاناداعى» جۇمىسىنان بەرى جاقسى تانيدى. ول تەك ستانيمير ستويلوۆتىڭ عانا ەمەس، ميروسلاۆ بەرانەك، ولەگ پروتاسوۆ پەن رومان گريگورچۋكتىڭ كومەكشىسى بولعان. ول قازاقستان فۋتبولىن ىشىنەن جاقسى بىلەتىن ساناۋلى مامانداردىڭ ءبىرى. بۇگىن كەلىسىم-شارتقا قول قويدىق. سوندىقتان گريگوري باباياندى «توبىلدىڭ» جاڭا باس باپكەرى دەپ ايتۋعا تولىق نەگىز بار»، - دەپ مالىمدەدى قوستانايلىق كلۋب.

ايتا كەتەيىك، گريگوري باباياننىڭ جاتتىقتىرۋىمەن «استانا» 2018 جىلعى قازاقستان چەمپيوناتىن جەڭىپ العان بولاتىن.

سوڭعى جاڭالىقتار