12 جەلتوقسان, 12:51 754 0 رۋحانيات Túrkistan Gazeti

«ۇلى دالانىڭ ۇلتارالىق ءتىلى» اتتى فورۋم ءوتتى

«قازاقستان حالقى اسسامبلەياسى تاۋەلسىزدىك كۇنى قارساڭىندا «ۇلى دالانىڭ ۇلتارالىق ءتىلى» اتتى رەسپۋبليكالىق فورۋم وتكىزدى. فورۋمنىڭ ماقساتى – قازاقستان حالقىنىڭ 30 پايىزىن قۇرايتىن باسقا ۇلتتاردىڭ قازاق ءتىلىن – مەملەكەتتىك ءتىلدى ۇلتارالىق ءتىل رەتىندە قولدانىپ جاتقانىن كورسەتۋ. وسىعان وراي قازاق ءتىلىن جەتىك مەڭگەرگەن ورىس، ۋكراين، پولياك، ەستون، كۇرد، كارىستەر 14 وبلىستان جانە نۇر-سۇلتان، الماتى، شىمكەنت قالالارىنان كەلىپ وتىر»، - دەدى قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى جانسەيىت تۇيمەباەۆ.

جانسەيىت تۇيمەباەۆتىڭ ايتۋىنا قاراعاندا، قازاقستان حالقى اسسامبلەياسىنىڭ بۇگىنگى فورۋمى تەك قازاق تىلىندە وتەدى.

«وسى ورايدا ايتپاعىم: ەلباسىمىزدىڭ «ەلگە دەگەن كوزقاراس – تىلگە دەگەن كوزقاراس» دەگەن ءسوزىن اتاپ وتكىم كەلەدى. سوندىقتان، مەملەكەتىمىزدە ءومىر ءسۇرىپ جاتقان بارلىق ۇلتتىڭ قازاق ءتىلىن – مەملەكەتتىك ءتىل ەسەبىندە، ۇلتارالىق ءتىل ەسەبىندە قولداناتىن كەزى جەتتى. پرەزيدەنتىمىز قاسىم-جومارت كەمەلۇلى توقاەۆ قازاقستان حالقىنا جولداۋىندا «قازاق ءتىلى تاياۋ كەلەشەكتە ۇلتارالىق ءتىل رەتىندە قىزمەت اتقارۋى قاجەت» دەگەن ءسوزىن ەسكە سالسام دەيمىن. مىنە، وسى جۇمىستاردىڭ جۇزەگە اسا باستاعانىن كورسەتۋ ماقساتىندا وسىنداي فورۋمدى ءبىرىنشى رەت ۇيىمداستىرىپ وتىرمىز»، - دەپ اتاپ ءوتتى. فورۋم بارىسىندا وزگە ۇلت وكىلدەرى قازاق ءتىلىن الەۋمەتتىك ليفت دەپ باعالاپ، وزگەلەرگە ۇلگى كورسەتتى.

 

سوڭعى جاڭالىقتار