11 جەلتوقسان, 21:25 451 0 الەۋمەت انار لەپەسوۆا

30 جىلدان سوڭ: اۋعان سوعىسى ارداگەرىنە تيەسىلى مەدال نەگە ۋاقتىلى بەرىلمەگەن؟

اۋعان سوعىسىنىڭ ارداگەرى 30 جىلدان كەيىن «جاۋىنگەرلىك ەڭبەگى ءۇشىن» مەدالىمەن ماراپاتتالدى. بۇل تۋرالى سەمەي اقپارات ورتالىعى حابارلادى.

بەرىكبول كۋلوۆ ماسكەۋدە وتكەن سالتاناتتى ماراپاتتاۋ راسىمىنەن ورالدى. كۇنى كەشە مەدالمەن ماراپاتتالعان جاۋىنگەر-ينتەرناتسيوناليستپەن قالا اكىمى ەرماك ءسالىموۆ تە كەزدەستى.

«ماراپات تۋرالى مالىمەت ۇزاق ۋاقىت رف قورعانىس مينيسترلىگىندە قۇپيا اقپارات رەتىندە ساقتالىپ كەلگەن. تەك وداق ىدىراپ، تاۋەلسىز مەملەكەتتەر قۇرىلعاننان كەيىن بۇل دەرەكتەردى الۋ مۇمكىندىگى پايدا بولعان. سوندىقتان دا قازاقستاندىق ينتەرناتسيوناليست-جاۋىنگەرلەردىڭ كوبى ەرلىگىنىڭ 30 جىل بۇرىن ەرەكشە اتاپ وتىلگەنىن بىلمەدى» دەلىنگەن حابارلامادا.

بۇگىندە بەرىكبول كۋلوۆ ءۇش قىز تاربيەلەپ، ۇزاق جىلدار بويى ءتىس ەمحاناسىندا ستوماتولوگ بولىپ قىزمەت ەتىپ كەلەدى.

سوڭعى جاڭالىقتار