11 جەلتوقسان, 18:13 608 0 ەكونوميكا انار لەپەسوۆا

ءارتۇرلى سالا قىزمەتكەرلەرىنە ورتا ەسەپپەن 80 مىڭ تەڭگەدەن سىياقى بەرىلەدى

اقتوبە وبلىسىندا جىل باسىنان بەرى 2176​ كاسىپورىنداعى 75 مىڭنان اسا جۇمىسشىنىڭ ەڭبەكاقىسى جوعارىلاعان، دەپ حابارلادى Aktobenews.kz.

وبلىس اكىمى ءىرى كاسىپورىن ديرەكتورلارى جانە باسقارما باسشىلارىمەن كەزدەسۋ وتكىزدى. ءباسپاسوز قىزمەتىنىڭ مالىمەتىنشە، الداعى مەرەكەلەردە 33 مىڭ ادام ورتا ەسەپپەن 80 مىڭ تەڭگەدەن سىياقى الادى. جالپى سىياقى قورى 5 ملرد تەڭگەنى قۇراپ وتىر. وڭىر باسشىسى جاۋاپتى تۇلعالارعا جۇمىسشىلاردىڭ ەڭبەكاقىسىن قىسقارتپاۋدى قاتاڭ تاپسىردى.

"پرەزيدەنتتىڭ تاپسىرماسىن ورىنداۋ كەرەك، اقتوبە وبلىسى ايتارلىقتاي ونەركاسىپتىك الەۋەتى بار سەرپىندى دامىپ كەلە جاتقان ءوڭىر. دەگەنمەن ورتاشا جالاقى رەسپۋبليكالىق دەڭگەيدەن تومەن. ماڭعىستاۋ، اتىراۋ جانە باتىس قازاقستان وبلىستارىندا ايلىق مولشەرى ءبىزدىڭ ايماقپەن سالىستىرعاندا جوعارى. ناتيجەسىندە بيۋدجەتكە سالىق تۇسپەي، ال بيزنەس دامىماي وتىر. اينالىپ كەلگەندە بۇل جاعدايدىڭ بارلىعى الەۋمەتتىك جاعدايعا اسەر ەتەدى. ءسىز ەڭبەك ونىمدىلىگىن ارتتىراسىز، جاڭا تەحنولوگيالاردى ەنگىزىپ پايدا تاباسىز", - دەدى وبلىس اكىمى وڭداسىن ورازالين.

بيىل ايماقتا 8787 ۇجىمدىق شارتتار جاسالعان. ولاردىڭ 14 مەملەكەتتىك مەكەمەلەرمەن، 37 ىرى كاسىپورىندارمەن، 148 ورتا جانە ءىرى كاسىپورىندار بولسا،  7120-شاعىن كاسىپكەرلىك.

تەگتەر مەرەكە سىياقى

سوڭعى جاڭالىقتار