11 جەلتوقسان, 12:50 400 0 جاڭالىقتار اسىل تۇمار

سۋبسيديا قارجىسىن جىمقىرعانى قالاي؟

سولتۇستىك قازاقستان وبلىسىنداعى ەڭ ءىرى قۇس فابريكاسىنىڭ ديرەكتورى ەرىك ءبىلالوۆ پەن ونىڭ باس ەسەپشىسى مەملەكەتتەن سۋبسيديا رەتىندە بولىنگەن 500 ميلليون تەڭگەدەن استام قارجى جىمقىردى دەگەن كۇدىككە ءىلىندى.

Oبلىستاعى ەكونوميكالىق تەرگەۋ دەپارتامەنتىنىڭ قىزمەتكەرلەرى جىلىنا شامامەن 100 ميلليون جۇمىرتقا وندىرەتىن قۇس فابريكاسىن تەكسەرگەننەن كەيىن باسشىسى مەن باس ەسەپشىسى كۇدىككە ءىلىندى، دەلىنگەن كتك ارناسىنىڭ حابارىندا. قازىر تەرگەۋ جۇمىستارى ءجۇرىپ جاتىر.

سقو ەكونوميكالىق تەرگەۋ دەپارتامەنتىنىڭ باسقارما باسشىسى راحىم ماقاجانوۆ: «سوماسى – 534 ميلليون تەڭگە. سۋبسيديا اقشاسىن جىمقىرۋ فاكتىسى بار. بىراق كۇدىكتىلەر قاماۋعا الىنعان جوق. ولارعا ايىپ تا تاعىلعان جوق. سوت الدى تەرگەۋ امالدارىنان كەيىن ءىستىڭ انىق-قانىعى بەلگىلى بولادى»، – دەدى.

سوڭعى جاڭالىقتار