11 جەلتوقسان, 10:46 429 0 جاڭالىقتار اسىل تۇمار

تاراقاندى ءوز بەتىنشە ۋلاعاندار اۋرۋحاناعا ءتۇستى

الماتىدا تاراقاندى ءوز بەتىنشە ۋلايمىز دەگەن انا مەن بالا اۋرۋحاناعا ءتۇستى.

كتك ارناسىنىڭ حابارلاۋىنشا، ءبىر اپتا بۇرىن 67 جاستاعى سۆەتلانا بالەنكو مەن 30 جاستاعى بالاسى اۋىر جاعدايدا اۋرۋحاناعا تۇسكەن. ەكەۋىنە جاندىكتەردى ولتىرەتىن قۇرالدان ۋلانۋ دياگنوزى قويىلعان. قازىر ولار جانساقتاۋ بولىمىندە جاتىر. مارينانىڭ اناسى ءۇي ىشىنە جاندىكتەرگە قارسى ءدارىنى سەۋىپتى. تاراقاندى جويامىز دەپ وزدەرى ۋلانىپ قالعان. باستاپقىدا ۇلى، كەلەسى كۇنى ءوزى كومادان ءبىر-اق شىققان.

انىعى، ۋلانۋعا سەبەپكەر بولعان ءدارىنى دارىگەرلەر قويعان دياگنوزدان كەيىن عانا بىلگەن. دارىگەرلەر ناۋقاستار كەش كەلگەن سوڭ، ەكەۋىنىڭ دە جاعدايى اۋىر دەپ ايتىپ وتىر.

«قازىر ناۋقاستاردىڭ جاعدايى اۋىر. بىزگە ولار دەر كەزىندە جەتكىزىلمەگەن. ەندى جانساقتاۋ بولىمىنە جاتىر. جاساندى تىنىس الۋ اپپاراتىمەن دەمالادى. ءتيىستى ەم-شارا جۇرگىزىلىپ جاتىر»، – دەيدى الماتى قالالىق شۇعىل كومەك كورسەتۋ اۋرۋحاناسىنىڭ ءبولىم مەڭگەرۋشىسى گۇلميرا تويباەۆا.

زارداپ شەككەندەر تاراقاندى ولتىرۋگە «پالاچ»، «پاسبۋد» ءدارىسىن قولدانعان.

سوڭعى جاڭالىقتار