10 جەلتوقسان, 17:05 374 0 نارىق انار لەپەسوۆا

شەتەلدىك تاۋارلاردى باج سالىعىنسىز اكەلۋ تالاپتارى وزگەردى

2020 جىلعى 1 قاڭتاردان باستاپ حالىقارالىق پوشتا جونەلتىلىمدەرىمەن جىبەرىلەتىن، سونداي-اق تاسىمالداۋشى جەتكىزەتىن جەكە پايدالانۋعا ارنالعان تاۋارلاردى باجسىز اكەلۋدىڭ نورمالارى 200 ەۋرونى جانە 31 كيلوگرامدى قۇرايتىن بولادى. بۇل تۋرالى مەملەكەتتىك كىرىستەر كوميتەتى حابارلادى.   

قازىرگى ۋاقىتتا (2019 جىلدىڭ 31 جەلتوقسانعا دەيىن) ەۋرازيالىق ەكونوميكالىق وداقتىڭ كەدەندىك اۋماعىنا كەدەندىك باجداردى، سالىقتاردى تولەمەي اكەلىنەتىن جەكە پايدالانۋعا ارنالعان تاۋارلاردىڭ نورمالارى ءبىر جەكە تۇلعانىڭ اتىنا كۇنتىزبەلىك 1 اي ىشىندە 500 ەۋرو جانە سالماعى 31 كگ قۇرايدى.

بەلگىلەنگەن نورمادان اسقان جاعدايدا، قۇندىق جانە/نەمەسە سالماق نورمالارىنان اسقان بولىگىندە قۇنىنان 15 پايىزدىق، سالماقتىڭ 1 كيلوگرامى ءۇشىن كەمىندە 2 ەۋرو ستاۆكاسى بويىنشا كەدەندىك تولەمدەردى تولەۋ كەرەك.

ايتا كەتەيىك، قازىرگى ۋاقىتتا (2019 جىلدىڭ 31 جەلتوقسانعا دەيىن) كەدەندىك باجداردىڭ، سالىقتاردىڭ بىرىڭعاي مولشەرلەمەلەرى قۇن جانە (نەمەسە) سالماقتىق نورمادان اسىپ ءتۇسۋ بولىگىندە قۇنىنىڭ 30 پايىزىن قۇرايدى، الايدا1 كگ سالماق ءۇشىن 4 ەۋرودان كەم بولماۋى ءتيىس.

مىسالى، باعاسى 300 ەۋرو بولاتىن ينتەرنەت-دۇكەندەردەن تاپسىرىس بەرىلگەن جىبەرىلىم، جولاۋشىلارعا ارنالعان كەدەندىك دەكلاراتسياسىن تاپسىرۋ جولىمەن، سونداي-اق قۇندىق نورماسىنان اساتىن بولىگىندە كەدەندىك تولەمدەر قۇنىنىڭ 15%-دىق مولشەرى بويىنشا كەدەندىك دەكلاراتسيالاۋعا جاتقىزىلادى (ياعني 100 ەۋرودان 15%-دىق) نەمەسە جىبەرىلىمىنىڭ قۇنى 200 ەۋرودان اسپاسا، بىراق ونىڭ سالماعى 35 كگ بولسا (ياعني سالماق نورماسىنان 4 كگ اسىپ تۇرسا), وندا 4 كگ كەدەندىك باجدارمەن سالىنادى.

سوڭعى جاڭالىقتار