8 جەلتوقسان, 14:14 373 0 زاڭ انار لەپەسوۆا

ءوزى جالداعان شەتەلدىك جۇمىسشىنى ولتىرگەن ماڭعىستاۋلىق سوتتالدى

ماڭعىستاۋ وبلىسىنداعى اششى سۋعا سىلقيا تويىپ العانداردىڭ ءبىرى قايتىس بولىپ، ەكىنشىسى 10 جىلعا سوتتالدى، دەپ حابارلايدى tumba.kz.

قىلمىستىق ءىس ماتەريالىنا سايكەس، مۇنايلى اۋدانى اتامەكەن اۋىلىنىڭ 44 جاستاعى تۇرعىنى ءوز ۇيىندە جوندەۋ جۇمىستارىن جۇرگىزۋدى ۇيعارىپ، وسى ماقساتتا وزبەكستاننان ءبىر جۇمىسشىنى شاقىرعان.

جوندەۋ جۇمىستارى اياقتالعانعا دەيىن ءۇي يەسى جۇمىسشىعا وسى وقيعانى اتاپ ءوتۋدى ۇسىندى. ىشىمدىك ءىشۋ كەزىندە ەر ادامدار اراسىندا جانجال تۋىنداپ، سوڭى توبەلەسكە ۇلاسادى. ماس كۇيىندە ءۇي يەسى پىشاق الىپ، بوتەلكەلەسىنە بىرنەشە جەردەن سوققى جاساعان. العان پىشاق جاراقاتىنان جۇمىسشى جەدەل جاردەم كولىگىندە كوز جۇمدى.

پوليتسيا كىسى ولىمىنە كۇدىكتىنى دەرەۋ انىقتادى. ول ۇستالىپ، كىناسىن مويىندادى. كۇدىكتى قىلمىستىق ىستەر جونىندەگى ارنايى سوتتىڭ قاراۋىندا بولدى. ول كىنالى دەپ تانىلىپ، 10 جىلعا سوتتالدى. سوتتا ايتىلعانداي، ادامدار اششى سۋعا تويىپ الىپ، اۋىر قىلمىستار جاساعانى تۋرالى كوپتەگەن وقيعالار بار. ەسىن جيعاننان كەيىن ولار نە بۇلدىرگەنىن تۇسىنە باستايدى، بىراق ەشتەڭەنى وزگەرتۋگە بولمايدى. ءوزىنىڭ جانە باسقالاردىڭ ومىرىنە بەي-جاي قاراۋدىڭ سوڭى وسىنداي جاعدايعا الىپ كەلەدى، دەيدى سۋديالار.

 

سوڭعى جاڭالىقتار