8 جەلتوقسان, 13:00 514 0 جاھان انار لەپەسوۆا

قارالى كۇن: ۋكراينا تۋى تومەن ءتۇسىرىلدى

ودەسسا كوللەدجىندە بولعان ورتكە بايلانىستى بۇگىن ۋكراينادا قارالى كۇن جاريالاندى، دەپ حابارلايدى ۋكرينفورم. 

"بۇكىل ۋكراينادا ازا تۇتۋ كۇنىندە: مەملەكەتتىك ورگانداردىڭ، جەرگىلىكتى بيلىك ورگاندارىنىڭ، مەملەكەتتىك كاسىپورىنداردىڭ، مەكەمەلەر مەن ۇيىمداردىڭ ۇيلەرىندە جانە عيماراتتارىندا ۋكراينانىڭ مەملەكەتتىك تۋى ءتۇسىرىلسىن; ويىن-ساۋىق جانە كونتسەرتتىك شارالاردان باس تارتىلسىن، تەلەديدار مەن راديو باعدارلامالارىنا ءتيىستى وزگەرىستەر ەنگىزىلسىن", - دەلىنگەن پرەزيدەنت جارلىعىندا.

سونىمەن قاتار، ۆلاديمير زەلەنسكي بۇل شەشىمىنە Facebook-تەگى پاراقشاسىندا دا ارنايى پىكىر ءبىلدىردى.

"وسى قايعىلى وقيعا بارلىق شەنەۋنىكتەر، باسشىلار، بارلىق ۋكراينا ازاماتتارى ءۇشىن ساباق بولسىن. ءومىر - ارقايسىمىزدىڭ قولىمىزدا بار ەڭ قۇندى نارسە. ادام ءومىرى - بۇل ەلدىڭ ەڭ باستى قۇندىلىعى. ولاردىڭ ءومىرىن ساقتاۋ - مەملەكەتتىڭ ءبىرىنشى كەزەكتەگى مىندەتى. ادامدار مايداندا جان قيىپ جاتسا اۋىر دەيمىز. ال بەيبىت قالادا، بىرەۋدىڭ قاتەلىكتەرى نەمەسە نەمقۇرايدىلىق سالدارىنان ادامداردىڭ قايتىس بولۋى ەكى ەسە اۋىر", - دەدى ول ءوز جازباسىندا.

سوڭعى جاڭالىقتار