5 جەلتوقسان, 09:09 266 0 رۋحانيات انار لەپەسوۆا

ءداستۇرلى ءان اۋەلەدى

پاۆلودار وبلىسى ۋسپەن اۋدانىندا رەسپۋبليكالىق «ءان مەن جىردان اق شاشۋ» اتتى ءداستۇرلى ءان-جىر فەستيۆالى ءوتتى.

قازاق حالقىنىڭ ماقتانىش ەتەر اسىل مۇرا، رۋحاني جادىگەرلەرىنىڭ ىشىندە عاسىرلار سۇزگىسىنەن ءوتىپ، بۇگىنگە جەتكەن كول-كوسىر ءان قازىناسى ەرەكشە ورىن الادى. قازاق ءانى – قازاق جانىنىڭ عاسىرلار كوشىندە شاڭ باسپاعان سىرلى ايناسى، حالىق رۋحىنىڭ ىقىلىمنان ءتىل قاتقان كۋاگەرى.

WhatsApp Image 2019-12-05 at 14.14.48 (2).jpeg

ۋسپەن اۋدانىنىڭ مادەنيەت، تىلدەردى دامىتۋ، دەنە تاربيەسى جانە سپورت ءبولىمى ۇيىمداستىرىپ وتىرعان فەستيۆالعا ەلىمىزگە تانىمال ءداستۇرلى انشىلەرمەن قوسا، وبلىسىمىزدىڭ جاس انشىلەرى دە قاتىستى. ىس-شارانىڭ نەگىزگى ماقساتى – ءداستۇرلى انشىلەردىڭ ونەرلەرىن دامىتىپ، ەلىمىزدىڭ وڭىرلەرىندەگى ءان ماقامدارىنىڭ ەرەكشەلىكتەرىن حالىققا ناسيحاتتاۋ جانە اۋدانداعى ءداستۇرلى ءان ورىنداۋشىلارىن قولداۋ.

WhatsApp Image 2019-12-05 at 14.14.49.jpeg

اتالمىش شاراعا نۇر-سۇلتان قالاسىنان كۇنسۇلۋ تۇرىكپەن، الماتى قالاسىنان ءسابيت دابىل مەن شاتتىق ۋاتقان، قىزىلوردادان مارات سۇگىرباي، كوكشەتاۋدان نازيرا بەيسەنوۆا، پاۆلودار قالاسىنان ەربول ايتباەۆ، سالتانات قيساتوۆا، جاس انشىلەر بازارباي ازامات، قۇرمەتجان ەرباق، بوكەن جىگەر، جالىن قۇنانباي جانە ماڭعىستاۋدان «مەن قازاقپىن» جوباسىنىڭ جۇلدەگەرى، ايتۋلى ءداستۇرلى ءانشى وسپان قۇلسىماق ارنايى كەلىپ قاتىسقان بولاتىن. فەستيۆال بارىسىندا انشىلەر ءوز وڭىرلەرىنىڭ ماقامىنا ساي ەكى ءداستۇرلى ءان ورىنداپ شىقتى. ءداستۇرلى ءاندى شەبەرىنە كەلتىرىپ ورىنداعان انشىلەرگە ۋسپەن اۋدانىنىڭ تۇرعىندارى قولداۋ كورسەتىپ، قول سوعىپ دەمەپ وتىردى.

فەستيۆال بارىسىندا اقىن، ءداستۇرلى انشىلەرمەن كەزدەسۋ ۇيىمداستىرىلدى. كەزدەسۋدى پاۆلودار وبلىسىنىڭ مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى ەرنۇر داۋەنوۆ وتكىزىپ، اقىندار مەن ءداستۇرلى انشىلەردىڭ قوعامداعى ءيميدجىن كوتەرۋ شارالارىن تالقىلادى.

فەستيۆال سوڭىندا قاتىسۋشىلارعا ديپلومدار، العىس حاتتار جانە اقشالاي سىيلىقتار تابىستالدى.

سوڭعى جاڭالىقتار