7 جەلتوقسان, 19:35 314 0 جاڭالىقتار اسىل تۇمار

ەكى ادام دارىدەن ۋلانعان

الماتى قالالىق قوعامدىق دەنساۋلىق باسقارماسى بەلگىسىز ءبىر دارىدەن ۋلانعانداردىڭ قازىرگى جاعدايى تۋرالى مالىمدەمە جاسادى. دارىگەرلەر 1957 جانە 1987 جىلى تۋعان ناۋقاستاردىڭ جاعدايى اۋىر دەپ وتىر.

مەكەمەنىڭ دەرەكتەرىنە سۇيەنسەك، باسى اينالىپ، جۇرەگى اينىپ، قان قىسىمى كوتەرىلگەن ەكى ازامات تا اۋرۋحاناعا جەدەل-جاردەم كولىگىمەن جەتكىزىلگەن. ولارعا دەرەۋ ۋلانۋعا قارسى ەمدەۋ شارالارىن قولدانىپ، زەرتحانالىق زەرتتەۋلەر جۇرگىزىلگەن.

مەكەمە مالىمدەمەسىندە «ناۋقاستارعا وتە اۋىر دارەجەدەگى تىنىس جولىمەن ۋلانۋ دياگنوزى قويىلعان. ولار قازىر جانساقتاۋ بولىمىندە. جاعدايلارى اۋىر. ەمدەۋ شارالارىن تولىق مولشەردە ورىنداپ جاتىرمىز» دەلىنگەن.

ەستەرىڭىزگە سالا كەتسەك، بۇعان دەيىن ءبىر وتباسىنىڭ بەلگىسىز دارىدەن ۋلانىپ قالعانى جايلى جازعان بولتىنبىز.

سوڭعى جاڭالىقتار