7 جەلتوقسان, 14:35 536 0 جاڭالىقتار اسىل تۇمار

بوراندا جولدا قالعاندار كوپ

اقمولا وبلىسىندا تۇندە بوراندا جولدا قالعان 92 ادام قۇتقارىلدى، ونىڭ 4-ءۋى بالا، دەپ حابارلايدى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.

ۆەدومستۆونىڭ مالىمەتى بويىنشا، بوراننىڭ سالدارىنان اتباسار اۋدانى اۋماعىندا جەلتوقساننىڭ 6-دا تۇنگى ساعات 22:05-تە «الماتى-ەكاتەرينبور» تاسجولىنىڭ بويىندا «نۇر-سۇلتان - دەرجاۆينسك» جانە «نۇر-سۇلتان - رۋدنىي» باعىتىمەن ءجۇرىپ كەلە جاتقان «ۆولۆو» جəنە «Setra» اۆتوبۋستارى جولدا قالعان. «قۇتقارۋ جۇمىستارىنا تجد 3 قىزمەتكەرى مەن 2 تەحنيكاسى تارتىلدى. ەكى اۆتوبۋستا بولعان 20 جولاۋشى (ونىڭ 2-ءۋى بالا) قۇتقارىلىپ، اتباسار قالاسىنداعى مەكتەپ ينتەرناتىنا ۋاقىتشا جايعاستىرىلدى»، – دەيدى ۆەدومستۆودان. ال، سول كۇنى ساعات 22-30 وڭىردەگى بارلىق باعىتتاعى اۆتوكولىك جولدارىنىڭ جابىق بولۋىنا بايلانىستى «كوكشەتاۋ-اتباسار» تاسجولىنىڭ بويىندا 5 جەڭىل كولىكتەگى 12 ادام پولتاۆكا ورتا مەكتەبىنە جەتكىزىلدى. سونىمەن قاتار، جولداردىڭ جابىق بولۋىنا بايلانىستى جەلتوقساننىڭ 7-دە تۇنگى ساعات 00:05 كوكشەتاۋ قالاسىنان 17 شاقىرىم قاشىقتىقتا «نۇر-سۇلتان-پەتروپاۆل» تاسجولىنان «Setra» اۆتوبۋسى قاۋىپسىز جەرگە جەتكىزىلدى. «سۋرگۋت-شىمكەنت» باعىتىنداعى «Setra» اۆتوبۋسىندا 69 ادام جولاۋشى بولدى. ونىڭ 2-ءۋى بالا. ولاردىڭ بارلىعى جىلىتۋ ورنىنا جەتكىزىلدى. مەديتسينالىق كومەككە جۇگىنگەندەرى جوق»، – دەپ تولىقتىردى ۆەدومستۆودان.

سوڭعى جاڭالىقتار