7 جەلتوقسان, 11:10 339 0 جاڭالىقتار اسىل تۇمار

بلوگەر مەن بيزنەسمەننىڭ داۋى

جۋىردا ەكس-دەپۋتات، بلوگەر نۇرلان جازىل­بە­كوۆ دەنساۋلىق ساقتاۋ مي­نيسترلىگى وتكىزگەن تەن­دەر­دىڭ قورىتىندىسىنا نا­رازىلىعىن ءبىلدىردى. ونىڭ ايتۋىنشا، «سق-فارما­تسيا» جشس تىم قىمبات باعاعا قۇرال-جابدىق سا­تىپ العان.

«ونكولوگيامەن كۇرەس مەم­باعدارلاماسى اياسىندا تسيتو­ستا­تيكتەردى – حيمياتەراپياعا ار­نالعان ىسىككە قارسى اسا ماڭىزدى پرەپاراتتاردى ەرىتۋ ءۇشىن تۇتاس كابينەت ساتىپ الۋ جوسپارلانىپ وتىر. قۇنى ءبىر بىرلىگى ءۇشىن 91 ميلليون تەڭگە بولماق. قازاق­ستاننىڭ 12 ءوڭىرى ءۇشىن 12 كابينەت ساتىپ الادى. 12 كابينەتتىڭ جال­پى سوماسى – ميلليارد تەڭگەدەن استام!» – دەي كەلە، ول Facebook-تەگى پاراقشاسىندا تەندەر جە­ڭىم­پازىن «ءوز اپپاراتى قويىلعان تالاپقا تولىعىمەن سايكەس كە­لەدى دەپ جالعان مالىمەت بەردى» دەپ ايىپتادى.

كەيىن اقپارات اگەنتتىكتەرى­­نىڭ بىرىنە بەرگەن سۇحباتىندا ن.جازىلبەكوۆ بۇل دەرەكتى تەن­دەرگە قاتىسقان باسقا كومپا­نيادان العانىن حابارلادى.

تەندەر ءبىر ايداي بۇرىن ءوت­كەن. ناتيجەسىندە Qazna Limited كوم­پانياسى جەڭىسكە جەتەدى. الايدا عالامتورداعى دۇرلىگىس كاسىپكەردىڭ اياعىنا تۇساۋ بو­لىپ­تى. وسىدان كەيىن Qazna Limited باسشىسى الان قۇمار سىبايلاس جەم­قورلىققا قارسى ءىس-قيمىل اگەنت­تىگىنىڭ توراعاسى اليك شپەك­­باەۆقا شاعىمداندى. ول دەن­ساۋلىق ساقتاۋ مينيسترلىگى داۋدى ءوز پايداسىنا شەشىپ بەرەر دەپ سەنگەن ەكەن. الايدا ۆەدوم­ستۆو­نىڭ پروبلەمالى تەندەر ءنا­تيجەسىن جويا سالعانىنا نارازى.

نەگىزى «سق-فارماتسيا» بي­ىل­عى 18 قازاندا ونكولوگيالىق پرەپاراتتاردى دايىنداۋعا ار­نالعان اپپاراتتاردى ساتىپ الۋ بويىنشا تەندەر وتكىزەدى. بۇل رەتتە اپپاراتتىڭ وزىنە، ونىڭ باعدارلامالىق قامتىلىمىنا قاتىستى دا ۇمىتكەرلەرگە تالاپ قويعان. بۇدان بولەك، حيم­پرە­پا­راتتار پروتسەدۋراسىنىڭ قاۋىپ­سىز­دىگى، سونىڭ ىشىندە ورىنجايدى فيلتراتسيالاۋ، قالدىقتار ءجۇ­يەسى جانە كابينەتتى دايارلاۋ بو­يىنشا تالاپتار بەلگىلەنەدى.

ا.قۇماردىڭ ايتۋىنشا، Qazna Limited قازاقستاندا تىركەل­­­گەن نەمىس اپپاراتىن ۇسىنادى. ونىڭ باسەكەلەسى «تارلان-ينت» «ونكوسەم مونوليتيك» اتتى ءتۇ­رىك اپپاراتىن بايگەگە قوسادى. ناتيجەسىندە تەندەرلىك كوميس­سيا تاڭداۋى نەمىس اپپاراتىنا تۇسكەن.

«مەرزىمنىڭ تىعىز ەكەنىن جانە بەلگىلەنگەن 20 كۇن ىشىندە جەتكىزۋ كەرەگىن ەسكەرە وتىرىپ، زاۋىتقا بىردەن 12 اپپارات جا­ساۋعا تاپسىرىس جولدادىق. الاي­دا «سق-فارماتسيا» وڭىرلەرگە ءبىزدىڭ كومپانيامەن كەلىسىم بە­كىتۋدى توقتاتۋدى تالاپ ەتكەن حات باعىت­تاپتى. ونىڭ سەبەبىن انىق­تاي باستادىق. سويتسەك، دەنساۋ­لىق ساقتاۋ مينيسترلىگىنە تار­لان-ينت-تەن شاعىم ءتۇسىپتى»، – دەگەن Qazna Limited باس ديرەك­تو­رى الان قۇمار ءاۋ باستا بۇل شا­عىمنان سەكەم الماعانىن ايتادى.

بىراق مينيسترلىك زاڭ تالا­بىنا سايكەس، قارسىلاستان شا­عىم تۇسۋىنە وراي جەڭگەن جەتكىزۋ­شىمەن كەلىسىمشارت بەكىتۋدى توقتاتقان.

الان سارسەنبايۇلى بلو­گەر­دىڭ الەۋمەتتىك جەلىدەگى پوستىن­دا كور­سەتىلگەن ميللياردتىق سو­ما­نىڭ قايدان شىققانىن تۇسىندىرەدى:

«ول تەندەر تالابى بويىنشا تەك اپپارات قانا ەمەس، سونىمەن قاتار قالدىقتاردى جويۋدىڭ اۆتوماتتى جۇيەسى، اۋا سۇزگىسى بار لامينارلىق شكاف تا ساتىپ الىنعانىن بىلمەيدى. بىلسە، جا­سىرادى. سونداي-اق ءبىز ونكو­لو­گيالىق ءدارى-دارمەكتەر ارا­لاس­تىرىلاتىن كابينەتكە ءجون­دەۋ جۇرگىزۋگە مىندەتتى بولدىق. ەڭ باستىسى، ءاربىر ونكوورتا­لىقتىڭ تالابىنا ساي باعدار­لامالىق قامتىلىمدى تولىعى­مەن وزگەر­تۋگە ءتيىس ەدىك»، – دەيدى كاسىپكەر.

بۇگىندە دەنساۋلىق ساقتاۋ سالاسىنا جاۋاپتى مەمورگان تەندەر قورىتىندىسىنىڭ كۇشىن جويۋ تۋرالى شەشىم قابىلداعان.

ال كوررۋپتسياعا قارسى اگەنت­تىك باسشىسى اليك شپەكباەۆ وسى كومپانيا باسشىسىنىڭ شاعىمى مەملەكەتتىك ساتىپ الۋ سالاسىندا باقىلاۋ فۋنكتسياسىن جۇزەگە اسىراتىن مەمورگانعا – قارجى مينيسترلىگىنىڭ ىشكى مەملەكەتتىك اۋديت كوميتەتىنە جولدانعانىن ءمالىم ەتتى.

ادىلدىكتىڭ قاي جاقتا ەكەنىن سوت نە قۇزىرلى ورگاندار شەشەر. بىراق اپپاراتتاردىڭ دەر كە­زىندە ساتىپ الىنباۋى كەسى­رىنەن، قازاقستاندا دارىگەرلەر تسيتوس­تا­تيكتى قولمەن ارالاس­­تىرۋعا ءماج­بۇر. بۇل ولشەم-دو­زا­لار­دىڭ ءدال­دىگىنە ىقپال ەتە­دى جانە حيميا­تەراپيانى ادامي فاك­تورعا ءتا­ۋەلدى ەتەتىن كو­رىنەدى.

aikyn.kz

سوڭعى جاڭالىقتار