6 جەلتوقسان, 09:55 370 0 جاڭالىقتار اسىل تۇمار

جانار حاميتوۆانىڭ ولىمىنە قاتىستى تەرگەۋ اياقتالدى

قاراعاندى وبلىسى پوليتسيا دەپارتامەنتىنىڭ ءباسپاسوز قىزمەتى ءانشىنىڭ ولىمىنە قاتىستى قىلمىستىق ءىستىڭ جابىلعانىن حابارلادى، دەپ جازادى Liter.kz.

«SuperStar.kz – 2006» جوباسىنىڭ ءفيناليسى، «ارناۋ» دۋەتىنىڭ بۇرىنعى ءانشىسى جانار حاميتوۆاعا قاتىستى «ءوز-وزىنە قول جۇمساۋعا يتەرمەلەۋ» بابى بويىنشا تەرگەۋ اياقتالدى.

دەرەككوزدىڭ حابارلاۋىنشا، ءىس قىلمىستىق قۇقىقبۇزۋشىلىق قۇرامىنىڭ بولماۋىنا بايلانىستى قر قىجك-ءنىڭ 35-بابى نەگىزىندە توقتاتىلدى.

ايتا كەتەيىك، ەسترادا ءانشىسى جانار حاميتوۆا قىركۇيەك ايىندا قاراعاندى وبلىسى قارقارالىداعى اتا-اناسىنىڭ ۇيىندە قايتىس بولعان ەدى. ءانشىنىڭ ارتىندا ەكى بالاسى قالدى.

ءانشىنىڭ تۋىستارى ءانشى ءوز-وزىنە قول سالماعانىن، ءۇي جيناپ جۇرگەندە جۇرەگى توقتاپ قالعانىن ايتقان. اتا-اناسى جەدەل جاردەم شاقىرعانىمەن، دارىگەرلەر جانار حاميتوۆانىڭ ءومىرىن ساقتاپ قالا المادى.

سۋرەت ينتەرنەت جەلىسىنەن الىندى.

سوڭعى جاڭالىقتار