5 جەلتوقسان, 19:50 352 0 جاڭالىقتار اسىل تۇمار

ەلىمىزدەگى «سبەربانكتىڭ» باسشىسى اۋىستى

«سبەربانك» اق ەب باسقارماسىنا جاڭا توراعا تاعايىندالدى. بۇگىنگە دەيىن باسقارما توراعاسىنىڭ ءبىرىنشى ورىنباسارى قىزمەتىن اتقارىپ كەلگەن ەلدار تەڭىزباەۆ جاڭا باسشى مىندەتىنە 2020 جىلدىڭ 6 قاڭتارىنان باستاپ كىرىسەدى. بۇل تۋرالى قارجى ينستيتۋتىنىڭ ءباسپاسوز قىزمەتى حابارلادى.

وتىزدان ەندى اسقان ەلدار تەڭىزباەۆ «قازاقستاننىڭ دامۋ بانكى»، «برك-ليزينگ» اق، «قازتەمىرترانس» اق سىندى بىرقاتار ۇيىمداردا جۇمىس ىستەگەن. «سبەربانك» قۇرىلىمىندا 2012 جىلدان باستاپ ەڭبەك ەتەدى. ەلدار تەڭىزباەۆ رەسپۋبليكالىق فيزيكا-ماتەماتيكالىق مەكتەبىن، سونداي-اق قازاقستان مەنەدجمەنت، ەكونوميكا جانە بولجاۋ ينستيتۋتىن، Cass Business School, City University London بىتىرگەن. قارجى جانە حالىقارالىق بۋحگالتەرلىك ەسەپ سالاسىندا MBA جانە MSc دارەجەسى بار، «بولاشاق» باعدارلاماسىنىڭ ستيپەندياتى.

ايتا كەتەيىك، «سبەربانك» اق ەنشىلەس بانكىن سوڭعى 7 جىلدا الەكساندر كامالوۆ باسقارىپ كەلدى.

سوڭعى جاڭالىقتار