5 جەلتوقسان, 11:34 487 0 نارىق انار لەپەسوۆا

اۋە تاسىمالى: ىشكى رەيستەردىڭ بيلەت قۇنى 12 پايىزعا ارزاندادى

وتاندىق اۋە كومپانيالارى ىشكى باعىتتار بويىنشا ۇشاق بيلەتىنىڭ ورتاشا قۇنىن ورتا ەسەپپەن 12 پايزىعا تومەندەتتى، دەپ حابارلايدى قر يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى.

ءباسپاسوز قىزمەتىنىڭ مالىمەتتەرىنە قاراعاندا، مەملەكەت باسشىسىنىڭ اۋە تاسىمالدارى باعاسىن تومەندەتۋگە قاتىستى تاپسىرماسىن ورىنداۋ ماقساتىندا وتاندىق اۋە كومپانيالارى ىشكى باعىتتار بويىنشا اۆيابيلەتتىڭ ورتاشا قۇنىن ورتا ەسەپپەن 12 پايىزعا تومەندەتتى.

قازاقستانداعى العاشقى بيۋدجەتتىك اۋە كومپانيانى ىسكە قوسۋ اۋە تاسىمالدار نارىعىنا ەلەۋلى اسەر ەتتى جانە جالپى العاندا ىشكى نارىقتاعى باسەكەلەستىكتى ارتتىرۋعا مۇمكىندىك بەردى. بۇل ۇشاق بيلەتتەرى تاريفتەرىنىڭ تومەندەۋىنە ىقپال ەتتى. Fly Arystan اۋە كومپانياسىنىڭ نارىققا كەلۋىمەن قازاقستان اۋەجايلارىندا جولاۋشىلار اعىنىنىڭ ءوسۋى بايقالدى، نۇر سۇلتان - 48%، الماتى - 45%، سەمەي - 1013%، تاراز - 734%، پاۆلودار - 117%، قاراعاندى ​​- 90%، شىمكەنت - 57 %، ورال - 54%. ق

قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى مۇددەلى مەملەكەتتىك ورگاندارمەن جانە كۆازيمەملەكەتتىك سۋبەكتىلەرىمەن بىرلەسىپ ۇشاق بيلەتتەرىنىڭ قۇنىن تومەندەتۋ بويىنشا بىرقاتار شارانى قولدانۋ بويىنشا جۇمىس جۇرگىزۋدە.

سونىمەن بىرگە، مەملەكەت باسشىسىنىڭ اۋەوتىنعا باعانى تومەندەتۋگە قاتىستى تاپسىرماسىن ورىنداۋ ماقساتىندا يندۋستريا جانە ينفراقۇرىلىمدىق دامۋ ۆيتسە-ءمينيسترى ب. كاماليەۆ قازاقستاندا ۇشۋلاردى جۇزەگە اسىراتىن شەتەلدىك اۋە كومپانيالارى مەن نەگىزگى اۋەجايلارمەن كەڭەس وتكىزدى. مەملەكەت مەنشىگىندەگى اۋەجايلارعا اۆياوتىننىڭ قۇنىن ورتاشا نارىقتىق دەڭگەيگە دەيىن تومەندەتۋ جانە شەتەلدىك اۋە كومپانيالارمەن شارتتاردىڭ وسى شەشىمىنە سايكەس كەلتىرۋ تاپسىرىلدى. اۆياوتىننىڭ قۇنى اۋە تاسىمالدارى قۇنىنىڭ ەڭ ۇلكەن ۇلەس سالماعىن الادى-30 % دەيىن.

كەزدەسۋگە نۇر-سۇلتان، قاراعاندى، الماتى، شىمكەنت، اقتاۋ قالالارىنىڭ اۋەجايلارى جانە «Air China Limited»، «China Southern Airlines»، «Turkish Airlines»، «اتلاسگلوبال»، «اەروفلوت»، «Fly Dubai»، «Uzbekistan Airways»، «Pegasus»، «Etihad Airways»، «Siberia Airlines»، «Ural Airlines» جانە «بەلاۆيا» شەتەلدىك اۋە كومپانيالارىنىڭ وكىلدەرى قاتىستى. جالپى العاندا، اۆياوتىن مەن اۋە بيلەتتەرىنىڭ قۇنىن تومەندەتۋ ماسەلەسى مينيسترلىكتىڭ تۇراقتى باقىلاۋىندا بولادى جانە وسى ماسەلە بويىنشا جۇمىس تۇراقتى نەگىزدە بولادى.

 

سوڭعى جاڭالىقتار