5 جەلتوقسان, 08:24 388 0 نۇر وتان Túrkistan Gazeti

وتاندىق كينەماتوگرافيا ماسەلەسى

Nur Otan پارتياسى جانىنداعى «ميراس» رەسپۋبليكالىق قوعامدىق كەڭەسىنىڭ وتىرىسى ءوتتى. «قازىرگى وتاندىق كينەما­توگ­رافيا سالاسىنداعى وزەكتى ماسەلەلەر»  تاقىرىبىندا وتكەن وتىرىس­تا كەڭەس مۇشەلەرى قازىرگى كينويندۋستريانىڭ دامۋى مەن كەم­­شىلىگى، وتاندىق فيلمدەردىڭ پروكاتقا شىعۋى، كينوتەاترلاردا كور­سەتىلۋى، دۋبلياج ماسەلەسى سياقتى اۋقىمدى پروبلەمالار تالقىلاندى.

جيىندا «ميراس» رەسپۋبليكالىق قو­عامدىق كەڭەسىنىڭ توراعاسى، پار­لامەنت ءماجىلىسىنىڭ دەپۋتاتى ب.تىلەۋ­حاننىڭ كىرىسپە سوزىمەن اشىلدى. تالقى كەزىندە مادەنيەت جانە سپورت ءمينيسترى اقتوتى رايىمقۇلوۆا، بلو­گەر وركەن كەنجەبەك، «بولاشاق» كور­پوراتيۆتىك قورىنىڭ ديرەكتورى دينارا ءشايجۇنىسوۆا، پارلامەنت ءماجىلىسىنىڭ دەپۋتاتى قۋانىش سۇل­تانوۆ، پۋبليتسيست الدان سمايىل، قو­عام قايراتكەرى ورازكۇل اسانعا­زىقىزى، «Qazaqstan» رترك» اق تاڭعى باعدارلامالار ديرەكتسياسىنىڭ جە­تەكشىسى، تەلەجۇرگىزۋشى، TV پروديۋسەر ايگەرىم ەسەناليەۆا بايانداما جاساپ، كينەماتوگرافيا سالاسىنداعى ماسەلەلەردى اتاپ كورسەتتى. سپيكەرلەر سۋبتيترلىك ماتىندەردەگى گرام­ماتي­كالىق قاتەلەردى،  اۋدارمانىڭ دۇرىس بەرىلمەۋى سياقتى ولقىلىقتاردى اشىنىپ ايتتى.

قازاقستان كينوونەركاسىبىندە فيلم جارناماسىنىڭ وتە ناشار دا­مىعانى تىلگە تيەك بولدى. جيىنعا قا­تىسقان رەجيسسەرلەر مەن كينو­تانۋ­شىلار تاراپىنان «فيلم شىق­قانعا دەيىن جۇرت بيلبوردتاردى، ءتىر­كەمەلەردى، كليپتەردى جانە ت.ب. كورۋى كەرەك. جارنامالاۋ كينوتەاتر­دىڭ اقىسىنا اسەر ەتەدى. الەمدە كي­نونى ىلگەرىلەتۋ ءۇشىن ولار فيلم شىعارۋعا تەڭ پروپورتسيادا بيۋدجەت سالاتىنى بۇرىننان قالىپتاسقان تاجىريبە. زاڭدىق نورما اياسىندا وسى ماسەلەنى دە قاراستىرۋ كەرەك» دەگەن سىڭايداعى ۇسىنىستار ءبىلدىرىلدى. ەسكە سالا كەتەيىك، 2019 جىلدىڭ 3 قاڭ­تارىندا «كينەماتوگرافيا تۋرا­لى» جانە «قازاقستان رەسپۋبلي­كاسى­نىڭ كەيبىر زاڭنامالىق اكتىلەرىنە كينەماتوگرافيا ماسەلەلەرى بويىن­شا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكا­سى­نىڭ زاڭدارى قابىلدانعان بولا­تىن. اتالعان زاڭ شەڭبەرىندە فيلم­دەر­دىڭ قۇقىق يەلەنۋشىلەرىن جانە پروكاتتاۋ كومپانيالارىن، ياعني ۇلتتىق فيلمدەردى پروكاتتاۋ كەزىن­دەگى كينوتەاترلاردى كورپوراتيۆتىك تابىس سالىعىنان بوساتۋ نورماسى قاراستىرىلعان.

2019 جىلعى 15 ناۋرىزدا  «ۇلتتىق كي­نونى قولداۋ مەملەكەتتىك ورتالى­عى» كەاق قۇرىلعان. ورتالىق ۇلتتىق فيلمدەر دەپ تانىلۋعا ءۇمىتتى كينو­جوبالار مەن ۇلتتىق فيلمدەر­گە مەم­لەكەتتىك قارجىلىق قولداۋ ۇسىنۋ­دىڭ جانە كينەماتوگرافيا سا­لا­سىنداعى سۋبسيديالاردى تولەۋدىڭ بىرىڭعاي وپەراتورى. جيىن سوڭىندا «ميراس» رەسپۋبليكالىق قوعامدىق كەڭەسىنىڭ مۇشەلەرى ۇلتتىق فيلم­دەر­دى ءتۇسىرۋ ءۇشىن تاريحي وقيعالار مەن تۇلعالاردىڭ تىزىمدەرىن دايارلاۋ ءما­سەلەسىن قولدادى.

 

ەلدوس نۇسىپۇلى

سوڭعى جاڭالىقتار