4 جەلتوقسان, 18:05 474 0 جاڭالىقتار اسىل تۇمار

ناۋقاس بالالارعا ارنالعان «Smart School-2» سىنىبى اشىلدى

بۇگىن پەدياتريا جانە بالالار حيرۋرگياسى عىلىمي ورتالىعىندا ستاتسيوناردا جاتقان ناۋقاس بالالار ءبىلىم الاتىن ەكىنشى «Smart School»  وقۋ سىنىبى اشىلدى.

يننوۆاتسيالىق وقۋ بولمەسى اق قان اۋرۋىنا، ونكولوگيالىق دەرتكە، سيرەك اۋرۋلارعا شالدىققان بالالارعا ارنالعان. بۇل بالالاردىڭ ەمدەلۋى ۇزاققا سوزىلاتىندىقتان، مۇندا بالالار جىلداپ جاتادى. ەندى ورتالىقتاعى بالالار ەمىن ۇزبەي، زامانداستارىنان قالماي، ءبىلىمىن جەتىلدىرىپ، بوس ۋاقىتىن ءتيىمدى وتكىزە الادى.

وزىق قوندىرعىلارمەن جابدىقتالعان سمارت سىنىبىن پەدياتريا ورتالىعىنىڭ باسشىسى ريزا بورانباەۆا اشتى.

– بۇگىن ورتالىقتا ەمدەلىپ جاتقان بالالار مەن ولاردىڭ اتا-انالارى ءۇشىن قۋانىشتى كۇن. وسىنداي كەڭ، اسەم دە جارىق سىنىپ جاساپ، ونى زامان تالابىنا ساي جابدىقتاپ بەرگەن دەمەۋشىلەرگە، اتسالىسقان بارشا ەرىكتىلەرگە شەكسىز العىس بىلدىرەمىز. ءبىزدىڭ ورتالىقتاعى ەكىنشى سمارت-كلاسستىڭ  بالالاردىڭ دەنساۋلىعىن جاقسارتۋعا قوسار ۇلەسى مول دەپ بىلەمىن، –  دەدى ريزا بورانباەۆا.

«Smart School-2» سىنىبى ءۇش كابينەتتەن تۇرادى. زاماناۋي قۇرالدارمەن جابدىقتالعان وقۋ سىنىبىندا بالالار ماتەماتيكا، تاريح، اعىلشىن ءتىلى جانە ت.ب. جالپى پاندەرمەن بىرگە، مەكتەپكە دەيىنگى باعدارلامانى وقىپ، بوس ۋاقىتىندا اعىلشىن ءتىلىن ۇيرەنىپ، شاحمات، روبوتوتەحنيكا، كونسترۋكتور قۇراۋ،  سۋرەت سالۋ سىندى شىعارماشىلىق جۇمىسپەن اينالىسا الادى.

سونداي-اق، بۇل سىنىپتا مۋزىكا، ەرتەگى كومەگىمەن تەراپيا سەانستارى وتكىزىلەدى. بارلىق ساباقتار مەن ۇيىرمەلەر تەگىن. جوبا اياسىندا ەمحانا كلوۋنى بالالاردىڭ كوڭىلىن كوتەرىپ، ءتۇرلى كەش ۇيىمداستىرىپ وتىرماق. سىنىپ ۇلكەن ينتەراكتيۆتى تاقتامەن، ەكولوگيالىق تازا جيھازدارمەن قامتاماسىز ەتىلگەن. الداعى ۋاقىتتا سىنىپتا اتا-انالار ءۇشىن پسيحولوگيالىق قولداۋ كۋرستارى اشىلماق.

شارا بارىسىندا №3 ونكوگەماتولوگيا ءبولىمى اتا-انالارى اتىنان ءسوز سويلەگەن مادينا قۇنانباەۆا بالالار ءۇشىن جاسالىپ جاتقان قايىرىمدى ءىس ءۇشىن بارشا قاۋىمعا العىسىن ءبىلدىردى.

وقۋ سىنىبى  «Help Today» قوعامدىق قورىنىڭ قولداۋىمەن جانە «Samsung Electronics Central Eurasia»، «Universal Masters»، «باي-تەمير»، «BioMarin Europe Limited» كومپانيالارىنىڭ دەمەۋشىلىگىمەن ىسكە استى.

سوڭعى جاڭالىقتار