4 جەلتوقسان, 16:13 406 0 جاڭالىقتار اسىل تۇمار

ق.توقاەۆتىڭ قوس بيلىككە قاتىستى پىكىرى

ەلىمىزدىڭ پرەزيدەنتى قاسىم-جومارت توقاەۆ Deutsche Welle باسىلىمىنا سۇحبات بەردى. جۋرناليست جاننا نەمتسوۆا پرەزيدەنتكە ەلىمىزدەگى ساياسي ليبەراليزاتسيا، رەسەي مەن قىتاي قارىم-قاتىناسى، قازىرگى ەكونوميكالىق ساياسات، لاتىن ءالىپبيى، ەلدەگى ميتينگىلەر جانە تاعى باسقا تاقىرىپ توڭىرەگىندە ساۋال قويىپ، ەلباسى نۇرسۇلتان نازارباەۆپەن قارىم-قاتىناسى جايلى سۇرادى.

«نۇرسۇلتان نازارباەۆ – قازاقستاننىڭ نەگىزىن قالاۋشى، ۇلت كوشباسشىسى، مەملەكەت باسشىسى، جوعارى اسكەري قولباسشى، زور قۇرمەتكە لايىق تۇلعا. ارامىزدا ەشقانداي قايشىلىق جوق، كەي كەزدەرى نۇرسۇلتان ءابىشۇلىنان كەڭەس الىپ وتىراتىنىمدى جاسىرمايمىن. دەسە دە، بۇل – قوس بيلىك دەگەندى بىلدىرمەيدى»، – دەپ جاۋاپ بەردى ق.توقاەۆ.

DW ەلوردانىڭ اتاۋىن اۋىستىرۋعا قاتىستى پرەزيدەنتتىڭ پىكىرىن سۇراعان ەدى، قاسىم-جومارت كەمەلۇلى «ول – قازاقستاننىڭ نەگىزىن قالاۋشى، وسى ۋاقىتقا دەيىن ەلى ءۇشىن اتقارعان وراسان ەڭبەگى مەن قىزمەتى لايىقتى جاۋاپ بەرۋىمىز كەرەك. استانانىڭ اتاۋىن وزگەرتۋگە، باسقا نىساندارعا ەلباسىنىڭ اتىن بەرۋگە نۇرسۇلتان ءابىشۇلىنىڭ ءوزى قارسى بولدى»، – دەدى پرەزيدەنت. «تۇڭعىش پرەزيدەنتىمىزدىڭ وكىلەتتىگى توقتاعاننان كەيىن ەلورداعا جاڭا اتاۋ بەردىك. جاڭا پرەزيدەنت رەتىندە بۇل ۇسىنىستى ءوزىم تاستادىم. ەلىمىزدىڭ باس قالاسىنا العاش قونىس اۋدارعان كەزدە، ول كەڭەستىك كەزەڭدەگى شاعىن ەلدىمەكەندەردىڭ ءبىرى عانا بولاتىن. ەلوردانى تسەلينوگرادقا اۋىستىرۋ باتىل ءارى گەوساياسي شەشىم بولدى. استانانىڭ قازىرگى احۋالى ايتارلىقتاي وزگەردى. بۇعان نۇرسۇلتان نازارباەۆتىڭ سىڭىرگەن ەڭبەگى زور».

سوڭعى جاڭالىقتار