4 جەلتوقسان, 11:59 410 0 تەحنولوگيالار انار لەپەسوۆا

086 مەديتسينالىق انىقتاماسىن eGov ارقىلى الۋعا بولادى

ەلىمىزدە وزەكتىلىگىن جويعان جانە سۇرانىسقا يە ەمەس 13 قىزمەتتى قولدانىستاعى تىزىلىمنەن الىپ تاستاۋ، 15 مەملەكەتتىك قىزمەتتى ەلەكتروندى فورماتقا كوشىرۋ ۇسىنىلدى. اۆتوماتتاندىرىلاتىن قىزمەتتەردىڭ قاتارىندا 086/ۋ  انىقتاماسى دا بار.

بۇل تۋرالى قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىندە ۆەدومستۆوارالىق كوميسسيانىڭ كەزەكتى وتىرىسىندا ايتىلدى، دەپ حابارلايدى ۆەدومستۆونىڭ ءباسپاسوز قىزمەتى.

ۇسىنىلعان پروتسەدۋرا بەكىتىلگەننەن كەيىن 086/ۋ انىقتاماسىن مىندەتتى مەديتسينالىق تەكسەرۋدەن ءوتۋ ناتيجەلەرى نەگىزىندە eGov پورتالى ارقىلى الۋعا بولادى. انىقتامادا ارنايى QR-كود بولادى، ول قۇجاتتىڭ تۇپنۇسقالىعىن تەكسەرۋگە مۇمكىندىك بەرەدى. مۇنداي ەلەكتروندىق انىقتاما ءبىر جىلعا جارامدى.

سونىمەن قاتار، وتىرىسقا قاتىسۋشىلار ەل پرەزيدەنتى جاقىندا بەكىتكەن مەملەكەتتىك قىزمەت كورسەتۋ تۋرالى زاڭناماعا ەنگىزىلگەن تۇزەتۋلەرگە بايلانىستى وزدەرىنىڭ ءىس-قيمىل جوسپارلارىمەن ءبولىستى. بۇل زاڭ تولىق كۇشىنە ەنۋى ءۇشىن تاعى 400-گە جۋىق نورماتيۆتىك قۇجاتتاردى قابىلداۋ قاجەت.

زاڭنىڭ الەۋمەتتىك ماڭىزدىلىعىن ەسكەرە وتىرىپ، اسقار جۇماعاليەۆ مەملەكەتتىك ورگانداردىڭ وكىلدەرىنە وسى زاڭعا تاۋەلدى اكتىلەردى جەدەل قابىلداۋ قاجەتتىگىن ەسكە سالىپ ءوتتى. وسى زاڭعا «پرواكتيۆتى» جانە «كومپوزيتتىك» ۇعىمداردىڭ ەنگىزىلگەنىن ايتىپ ءوتۋ كەرەك. ياعني، ەندىگى ۋاقىتتا مەملەكەت ازاماتقا بەلگىلى ءبىر ومىرلىك جاعدايدا قىزمەت كورسەتۋدى ءوزى ۇسىنادى، سونداي-اق ءبىر عانا ءوتىنىش جازىپ، بىرقاتار ىلەسپە قىزمەتتەردى الۋعا مۇمكىندىك بەرەدى.

« ءبىز كومپوزيتتى جانە پرواكتيۆتى قىزمەتتەردىڭ بىرقاتارىن پيلوتتىق رەجيمدە ۇسىنۋدامىز. بۇل تاسىلدەر ءوزىنىڭ تيىمدىلىگىن كورسەتتى. سوندىقتان، ارىپتەستەر، سىزدەردەن ءتيىستى زاڭعا تاۋەلدى اكتىلەردى قابىلداۋدى بارىنشا جەدەلدەتۋدى سۇرايمىن. بۇل تۇزەتۋلەردى ەنگىزۋدىڭ ءمانى زور، سەبەبى ازاماتتاردىڭ مەملەكەتتىك قىزمەتتەردى الۋىن ىڭعايلى ءارى جەدەل ەتە تۇسپەك «، - دەپ اتاپ ءوتتى اسقار جۇماعاليەۆ.

كوميسسيا وتىرىسىندا مەملەكەتتىك قىزمەتتەردى اۆتوماتتاندىرۋ جانە وڭتايلاندىرۋ بويىنشا جۇرگىزىلگەن جۇمىستار تۋرالى ەڭبەك جانە حالىقتى الەۋمەتتىك قورعاۋ، اۋىل شارۋاشىلىعى، دەنساۋلىق ساقتاۋ، سونداي-اق مادەنيەت جانە سپورت مينيسترلىكتەرىنىڭ وكىلدەرى باياندادى.

 

سوڭعى جاڭالىقتار