4 جەلتوقسان, 11:03 408 0 الەۋمەت انار لەپەسوۆا

زەينەتكەردى توناعان بانك قىزمەتكەرى مەن ونىڭ ۇلى ۇستالدى

ماسكەۋ پوليتسياسى 83 جاستاعى زەينەتكەردىڭ 8 ملن رۋبل قارجىسىن ۇرلاماق بولعان كۇدىكتىلەردى ۇستادى. بۇل تۋرالى رەسەي ىشكى ىستەر مينيسترلىگىنىڭ رەسمي وكىلى يرينا ۆولك حابارلادى، دەپ جازادى ريا نوۆوستي.

«ماسكەۋلىك ءتارتىپ ساقشىلارى قالاداعى ءىرى بانكتىڭ قاۋىپسىزدىك قىزمەتىمەن بىرلەسە وتىرىپ ەگدە ازاماتتى توناۋعا ارەكەتتەنگەن ەكى كۇدىكتىنى قولعا ءتۇسىردى»، - دەيدى يرينا ۆولك.

ونىڭ ايتۋىنشا، پوليتسياعا ماسكەۋدىڭ 83 جاستاعى تۇرعىنى جۇگىنىپ، ءوزىنىڭ بانك شوتىنان 8 ملن ءرۋبلدىڭ جوعالىپ كەتكەنىن ايتقان. قىلمىستىق ىزدەستىرۋ قىزمەتىنىڭ ماماندارىنىڭ جەدەل ءىس-قيمىلى ناتيجەسىندە سول بانكتە قىزمەت ەتەتىن ايەل مەن ونىڭ ۇلى ۇستالدى. بانك قىزمەتكەرى زەينەتكەردىڭ شوتىن ءوز تانىسىنىڭ اتىنا اۋىستىرعان. الايدا ۇرلانعان اقشانى شوتتان شەشىپ ۇلگەرمەگەن.

سوڭعى جاڭالىقتار