3 جەلتوقسان, 16:01 443 0 جاھان انار لەپەسوۆا

رەسەيدە جۋرناليستەرگە "شەتەل اگەنتى" دەپ ايدار تاعاتىن زاڭعا قول قويىلدى

رەسەيدىڭ "باق تۋرالى" زاڭىنا وزگەرتۋ ەنگىزىلمەك. ەلدەگى اقپارات قۇرالدارىنىڭ قىزمەتىن رەتتەيتىن قۇجاتتا "شەتەل اگەنتى" دەگەن تۇسىنىك پايدا بولادى. 

جاڭا زاڭ "شەتەل اگەنتتەرى" تىزىمىندەگى ۇيىمداردا ىستەيتىن جۋرناليستەردى "شەتەل اگەنتى" دەپ تانۋعا جول اشادى. شەتەل اقپارات قۇرالدارىندا جۇمىس ىستەيتىن، ولاردان قارجى الاتىن جەكە تۇلعالار دا "شەتەل اگەنتى" اتانادى.

شەتەلدىك باق رەسەيدە جۇمىس ىستەۋ ءتارتىبىن بۇزعان جاعدايدا، قابىلدانعان ەرەجەلەر "شەتەل اگەنتتەرىنىڭ نەمەسە ولاردىڭ زاڭدى تۇلعالارىنىڭ سايتتارىن بۇعاتتاۋعا نەگىز بولادى" دەپ جازدى تاسس.

رەسەيدە "شەتەل اگەنتتەرى تۋرالى" دەپ اتالىپ كەتكەن زاڭ 2012 جىلى قابىلداندى. قۇجات بويىنشا، شەتەلدەن قارجى الاتىن ۇيىمدار ارنايى تىركەۋدەن ءوتۋى كەرەك. بۇل زاڭ پۋتين بيلىگىنە قارسى نارازىلىقتار كۇشەيگەن تۇستا قابىلدانعان ەدى.

حالىقارالىق ۇيىمدار رەسەي بيلىگىن بۇل زاڭنان باس تارتۋعا شاقىرعان. اە/ار پرەزيدەنتى دجەيمي فلاي بۇل زاڭدى "قاۋىپتى" دەپ اتاعان ەدى.

سوڭعى جاڭالىقتار