2 جەلتوقسان, 16:15 364 0 ايماق انار لەپەسوۆا

ەلىمىزدىڭ 4 وڭىرىندە اۋا رايىنا بايلانىستى ەسكەرتۋ جاريالاندى

قىزىلوردا، اقمولا، اقتوبە، قوستاناي وبلىستارىندا قولايسىز اۋا رايىنا بايلانىستى ەسكەرتۋ جاريالاندى، دەپ حابارلايدى قازگيدرومەت.

3 جەلتوقساندا قىزىلوردا وبلىسىنىڭ كەي جەرلەرىندە تۇمان، كوكتايعاق ساقتالادى. جەل وڭتۇستىك-شىعىس، شىعىستان سوعادى، تاڭەرتەڭ جانە كۇندىز كۇشى كەي جەرلەردە 15-20 م/س ساقتالادى.

2 جەلتوقساندا قىزىلوردا وبلىسىنىڭ كەي جەرلەرىندە تۇمان، كوكتايعاق، تۇندە جانە تاڭەرتەڭ وڭتۇستىك-شىعىستان جەل سوعادى، كۇشى كەي جەرلەردە 15-20 م/س كۇتىلەدى.

3 جەلتوقساندا اقمولا وبلىسىنىڭ كەي جەرلەرىندە تۇمان، بۇرقاسىن كۇتىلەدى. وڭتۇستىك-باتىستان، باتىستان جەل سوعادى، كەي جەرلەردە كۇشى 15-20 م/س. سول كۇنى كوكشەتاۋ قالاسىندا تۇمان ءتۇسۋى مۇمكىن.

2 جەلتوقساندا اقتوبە وبلىسىنىڭ كەي جەرلەرىندە تۇمان، جاياۋ بۇرقاسىن، كوكتايعاق كۇتىلەدى. سول كۇنىڭ اقتوبە قالاسىندا كوكتايعاق كۇتىلەدى.

3 جەلتوقساندا قوستاناي وبلىسىنىڭ كەي جەرلەرىندە تۇمان ءتۇسىپ، كوكتايعاق بولادى، جاياۋ بۇرقاسىن سوعۋى ىقتيمال. وڭتۇستىكتەن سوعاتىن جەل سولتۇستىك-باتىسقا اۋىسادى، كۇشى كەي جەرلەردە 15-20 م/س كۇتىلەدى. سول كۇنى تۇندە جانە تاڭەرتەڭ قوستاناي قالاسىندا تۇمان، كوكتايعاق كۇتىلەدى.

سوڭعى جاڭالىقتار