1 جەلتوقسان, 19:04 370 0 الەۋمەت انار لەپەسوۆا

"نۇرلى جەر": ەكى مينيسترلىكتىڭ قىزمەتكەرلەرى باسپانالى بولدى

"نۇرلى جەر" باعدارلاماسى بويىنشا العاشقى پاتەرلەرگە قر دسم جانە بعم قىزمەتكەرلەرى قول جەتكىزدى. بۇل تۋرالى "قازاقستان يپوتەكالىق كومپانياسىنىڭ" ءباسپاسوز قىزمەتى حابارلادى.

تۇڭعىش پرەزيدەنت كۇنى اقتوبەدە "نۇرلى جەر" مەملەكەتتىك تۇرعىن ءۇي قۇرىلىسى باعدارلاماسىن جانە "قازاقستان يپوتەكالىق كومپانياسى" يۇ" اق مەن مينيسترلىكتەر اراسىندا 2019 جىلعى ماۋسىمدا قول قويىلعان مەموراندۋمدى جۇزەگە اسىرۋ اياسىندا ءبىلىم بەرۋ جانە دەنساۋلىق ساقتاۋ سالاسى جۇمىسشىلارىنا جاڭا پاتەرلەر كىلتىن سالتاناتتى تابىستاۋ شاراسى ءوتتى.
پارلامەنت سەناتىنىڭ توراعاسى داريعا نازارباەۆانىڭ ۇسىنىسىمەن قازاقستان يپوتەكالىق كومپانياسى دارىگەرلەر مەن مۇعالىمدەر ءتارىزدى الەۋمەتتىك ماڭىزى بار ماماندىق وكىلدەرى ءۇشىن ارنايى تۇرعىن ءۇيدى يپوتەكالىق نەسيەلەۋ باعدارلاماسى دايىندالعان ەدى. بيىل جازدا ءبىزدىڭ كومپانيا، قازاقستان رەسپۋبليكاسىنىڭ دەنساۋلىق ساقتاۋ مينيسترلىگى مەن ءبىلىم جانە عىلىم مينيسترلىگى اراسىندا سايكەس كەلىسىمدەرگە قول قويىلدى. بۇگىندە باعدارلامانىڭ العاشقى قاتىسۋشىلارى – اقتوبە قالاسىنىڭ تۇرعىندارى – وزدەرىنىڭ جاڭا پاتەرلەرىنىڭ كىلتىن الدى، - دەيدى "قازاقستان يپوتەكالىق كومپانياسى" يۇ» اق باسقارما توراعاسى ءادىل مۇحامەدجانوۆ.

جاڭا قونىستانۋشىلارعا "قارعالى" تۇرعىن ءۇي الابى، 200 ءۇي، 1,2 كورپۋس مەكەنجايى بويىنشا ورنالاسقان، جالپى اۋدانى 1 579 شارشى مەتر 40 پاتەر تاپسىرىلدى. بۇل پاتەرلەردىڭ 17-ءسى مارات وسپانوۆ اتىنداعى باتىس قازاقستان مەديتسينالىق ۋنيۆەرسيتەتىندە جۇمىس ىستەيتىن قر دەنساۋلىق ساقتاۋ مينيسترلىگى قىزمەتكەرلەرىنە، 23 پاتەر ءبىلىم جانە عىلىم مينيسترلىگىنىڭ جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىندە جۇمىس ىستەيتىن قىزمەتكەرلەرىنە بەرىلدى.

شاراعا اقتوبە قالاسىنىڭ اكىمى ماۆر ابدۋللين، "قازاقستان يپوتەكالىق كومپانياسى" يۇ" اق باسقارما توراعاسى ءادىل مۇحامەدجانوۆ قر ءبىلىم جانە عىلىم مينيسترلىگىنىڭ جاۋاپتى حاتشىسى قانات سارسەنباەۆ قاتىستى.

جالپى العاندا، مۇعالىمدەر مەن دارىگەرلەرگە ارنالعان ساتىپ الۋ قۇقىعى بار جالدامالى تۇرعىن ءۇيدى قارجىلاندىرۋعا كومپانيانىڭ جەكە جانە قارىزعا العان قارا جاتىنان شامامەن 40 ملرد تەڭگە بولىنەدى. 2020-جىلدىڭ ءبىرىنشى جارتى جىلدىعىندا نۇر-سۇلتان، الماتى جانە قاراعاندى قالالارىندا پاتەرلەردى ۇلەستىرۋ جوسپارلانعان.

سوڭعى جاڭالىقتار