20 قاراشا, 10:22 291 0 الەۋمەت انار لەپەسوۆا

نۇر-سۇلتان قالاسىنىڭ 0-9 سىنىپ وقۋشىلارى ساباقتان بوساتىلدى

ەلوردانىڭ توتەنشە جاعدايلار دەپارتامەنتى ءبىلىم باسقارماسىنىڭ شەشىمى بويىنشا 2019 جىلعى 20 قاراشادا  اۋا رايىنىڭ قولايسىزدىعىنا بايلانىستى قالا مەكتەپتەرىنىڭ 0-9 سىنىپ وقۋشىلارىنا ساباق بولمايتىنىن حابارلادى.

اۋا تەمپەراتۋراسى مينۋس 25-29 گرادۋس جانە ودان تومەن بولسا، دايىندىق توبىنان باستاپ 4-سىنىپقا دەيىنگى وقۋشىلار ءۇشىن ساباق بولمايدى. ال 30-34 گرادۋس اياز بولىپ، جەلدىڭ جىلدامدىعى سەكۋندىنا 2-4 مەتردەن اسقان جاعدايدا 5-9 سىنىپتاردىڭ وقۋى كەيىنگە قالدىرىلادى. ال، جوعارى سىنىپ وقۋشىلارى مەن كوللەدجدىڭ 1-2 كۋرس ستۋدەنتتەرى اياز 35 گرادۋسقا دەيىن كۇشەيگەن جاعدايدا ساباققا بارمايدى.

نۇر-سۇلتان قالالىق ءبىلىم باسقارماسىنىڭ ماماندارى ساباقتىڭ توقتاتىلۋىنا قاتىستى اقپاراتتى ناقتى دەرەك كوزدەرىنەن الۋعا شاقىرادى، اقپارات ءبىرىنشى اۋىسىمعا تاڭعى ساعات 6:30-دا، ەكىنشى اۋىسىم ءۇشىن 12:00 كەزىندە جىبەرىلەدى.

- جاڭالىقتاردىڭ تاراتىلاتىنى بار. اتا-انالار سوعان سەنبەۋ كەرەك. فەيك اقپاراتتارعا سەنبەي، رەسمي دەرەك كوزدەرىنەن الۋ كەرەك ەكەندىگىن ەسكەرتەمىز. ءبىرىنشى كەزەكتە ول 109 نومەرى ارقىلى IKomek ورتالىعى، ەكىنشى كەزەكتە توتەنشە جاعداي قىزمەتىنىڭ SMS حابارلاماسى، وعان قوسا قالالىق اكىمدىكتىڭ، قالالىق ءبىلىم باسقارماسىنىڭ رەسمي سايتتارى بار. ودان كەيىن سىنىپ جەتەكشىسىنەن بىلۋگە بولادى. وسىندا رەسمي دەرەك كوزدەردەن اقپاراتتى الۋعا بولادى، - دەيدى قالالىق ءبىلىم باسقارماسى ستراتەگيا، تالداۋ جانە تسيفرلىق تەحنولوگيا ءبولىمىنىڭ باسشىسى جازيرا اسانوۆا.

سوڭعى جاڭالىقتار